Erdély Nagy Fejedelemség 1837-ik esztendőben április 17-én N. Szeben szabad királlyi várossában ki-hirdettetett ország gyülésének iromány könyve, 1837. április 17. - 1838. március 31. (Nagyszeben 1838)

1837-1838 / 50. ülés

h.') Si servus ratiocinans semeţ culpae, aut doli reum effecisset, liberum quidem erit haero, culpam hanc ei remittere, et scripto testimonio praetensioni suae renunciare, in dimissionali- bus tamen pro praecavendo alterius damno, hoc, prout et majora si quae haberet vitia, apponere tenebitur, nec licitum est sub poena articulari, et refusione damnorum alteri nefors hoc facto causandorum, tales, quales servus promeritus non est, litteras commendatorias dare. —

Articulum praeterea XXIX.

De poenis ordinem incendiarium non observantibus irrogandis sequenti ratione modificatum , perinde provisorio modo introducendum et observandum clementer praecipimus: cujus quidem articuli verbalis continentia haec est:

Securitate publica et privatorum etiam utilitate id exposcente, ut praeexistentes circa Ordinem incendiarium salutares dispositiones absque ambagibus in effectum deducantur, et per caminorum, et fumariorum accuratam repurgationem incendia praepediantur, hinc Status et Ordines accedente etiam benigno annutu Regio sequentia statuenda esse duxerunt:

1- o. Ut in civitatibus et oppidis, in quibus domus nobilitares mixtim cum civilibus possidentur, praestitutis temporibus caminorum et fumariorum repurgationes inomisse suscipiantur , visitationes autem caminorum in domibus nobilium civilibus cum concursu localis Magistratus, in fundis curialibus autem cum interventu personae comitatensis, aut Sedis officialis instituantur; nobiles, et alii liberae conditionis homines caminorum visitationem non admittentes, vel impedientes, respectu fundorum pure civilium per localem Magistratum , intuitu curialium fundorum autem per competentes Sedis aut Comitatus officiales, in primo quidem casu poena 12 flor, in secundo casu autem 21 flor, poena statim via executionis desummenda mulctentur — negli- gentes vero caminorum purgatores, pro talibus tempore visitationis comperti 12 baculorum ictibus plectantur. Constituti porro visitatores caminorum obligationem suam non explentes, aut cum proprietario domus nefors conniventer se habentes, aeque 21 flor, poena plectantur.

2- 0. In stabulis, horreis, domorum tectis, foeni conservato- riis , aut plateis capiendae flammae magis expositis fumigantes, nudas candelas circum ferentes , illas in stabulis parietibus affigentes, aut ardentibus facibus circumeuntes, vel intra ambitum pagi sclopetum explodere, et jaculari praesummentes, nobiles quidem poena 24 flrum, cives autem 12 flrum, ignobiles et rustici vero commensurata poena corporis afflictiva plectantur — caeterum tam in civitatibus quam in pagis occasione structurae novarum domorum, aliorumque aedificiorum universae illae praecautiones strictissime observentur, quae ad antevertenda incendia recta aedilis politia praescribit.

16*