Szilágyi Sándor szerk.: Erdélyi Országgyűlési Emlékek 14. 1664-1669 (Budapest, 1889)

28. fejezet: 1664-1669 - Törvények és okiratok

152 ICRDELYI ORSZAGGYl LESI EMLKKKK. tur, prima fronte excedere videtur annui tributi summain, verum ubi appellit a celsmo principe dnus Joannes Bethlenius, quia aliquot mille talleri bis erant in computo positi, his defalcatis, invenitur defectus 13,000 tallerorum, et sic serio ac rigide concluditur sub amissione omnium bonorum, ut ab hodierna die computando, ad diem 15. omnes restantiae administrentur et urgeantur a perceptoribus, si ipsi in eam nolint incurrere poenam. Celsmus princeps advocato groso dno Dionysio Banffi, per eundem in mentem revocat dnis statibus, qualis controversia emersit ante aliquot menses inter sutores et cerdones Coronenses, qui utrinque legitimitatem secuti, a foro inferiori, judice scilicet primario Coronensi ulterius provocantes, eousque per legitimos suos procuratores rem urserunt, donec in praesentiam suae celsitudinis et dnorum consiliariorum devenerit, ac eadem ibidem decisa, tanquam justitia comite et duce sutores tandem triumphaverint. Sed quo respectu ducti, dni status, nec omnes eandem sententiam apud dnum protonotarium prohibuerit, quod illegitime fecerint, nec ullo possint probare exemplo, imo cesserit id despectum authoritatis suae principalis celsitudinis et reputationis dnorum consiliariorum : sicque mandat sententiae extradationem annulata inhibitione. Contra quod dum serio reluctantur protonotarii, praecipue grosi dni, Paulus Beldius, Michael Kalnoki, Joannes Nemes et alii quamplurimi per ampl. dnum judicem regium, ut etiam per praesentium scriptorem, ut procuratorem sutorum, os iisdem obturatur, et per tandem per voces sententiae extradatio concluditur. Hac de causa mittitur Magyari Coronam. datis per eum literis a me ad sutores. 14. Novembris. Primo diluculo convenientes dni status, conclusa ab iisdem per alterum protonotarium in purum relata, perleguntur publice, clare et distincte, quae perlecta mittuntur ad celsmum principem revidenda. Interea temporis discurritur de et super eo, an sint excudenda ? Multis displicet excusio, quoniam praesentia comitia sint partialia, non generalia, aliis objicientibus, partialem congregationem fuisse etiam Radnothiensem, tamen conclusos ibidem articulos excudi fecisse tanquam in generali dnorum statuum congregatione fuissent conclusi. Itaque placet horum etiam excusio. sed tanquam particularis congregationis articulorum. Remittuntur articuli ad dnos regnicolas a celsmo principe per grosum dnum Dionysium Banffi; intimatur a celsmo principe dnis statibus remissio tricesimaeVerestornyiensis, ut in praeteritis comitiis Fejervariensibus per fas et nefas inconvenienter ablatae ; de qua exire jussis ampl. dno judice regio et cete-