Szilágyi Sándor szerk.: Erdélyi Országgyűlési Emlékek 13. 1661-1664 (Budapest, 1888)

27. fejezet: 1661-1664 - Törvények és okiratok

Szombatfalvi absolvitur ex parte Siculorum a legatione ad portam Ottomanicam instituendam a multis excusatus et alius in locuni ejus substituendus proponitur, sed nihil de eo deliberatur. Perlegantur deinceps litterae Dionisii Banffi interceptae, quae continent perniciem militum Hungaricorum pariter et Valachicorum stationariorum ac etiam statuum de praesenti hic in Gorgeny-Sz.-Imre comitia celebrantium, ut etiam denique turgorem Marus-Yasarhelyini delitescentium avertat deus. Litterae Kucsuk passae perleguntur satis barbaricae et deliberatur de victualibus ipsis a dnis regnicolis subministrandis; plura etiam de miserrimo statu patriae nostrae dulcissimae in medium a variis sed praecipue a dnis Gabriele Haller et Johanne Bethlen proferuntur et sic instante crepusculo cetera in crastinum tractanda rejiciuntur. Discurritur etiam de thesaurario. 23. ejusdem mensis convenientes dni regnicolae adsunt etiam dni consiliarii, quorum unus Gabriel Hallerius, antequam alias res aggrediantur, ex loco comitiorum unacum dno regio Cibiniensi exiens, secreto tractat de rebus aliquibus, intimando duram et tristem liesternam resolutionem celsmum principem non ex parte dominorum Saxonum sed aliorum importunorum nunciasse. Sunt verba, sed rerum nihil hactenus, licet spem aliquam contentationis fecerit. Samuel Litteratus Szt. Ivanyi importune vult agere ex intimatione Nicolai Zolyomi contra contradictionem privilegiorum Haczokiensium de non postalkodas in praejudicium Saxonum emanatorum, sed inhibetur et bene. Publica (enim) privatis anteferenda bonis. Articulus 16. sextus perlegitur a Joanne Kendi protonotario de victu pro Turcicis militibus serio administrando. Ubi Maramorossienses legati excusatione itineris difficultatis pecuniam pro victu verbis offerunt, assistentiam promittentibus dnis Bistriciensibus, sed non ultra posse. Cuditur insuper articulus de illis, qui pro expeditione legatorum ad portam Ottomanicam et cetera ibidem necessaria peragenda monetam auream vel argenteam expenderit, ut ex restantiis et ceteris censibus de novo deputandis usuali moneta ab officialibus comitatuum et sedium sub amissione honorum et officii plenarie contententur. Dnus Andreas Ughronius et Joannes Kendius discurrunt hoc modo: ut qui decimas percepere praeterito anno ex collatione principis, pro sustentatione suae celsitudinis ex omnibus dimidium restituitur, statibus solito de more (quod tamen dignum fuisset) non consentientibus. Addit Franciscus Kassai cum aliquot: Multum victum fuisse comportatum anno praeterito in arces Trannicas et absumptum esse, ideoque provisores et rationistas rationem reddere eo-