Fraknói Vilmos (szerk.): Monumenta Hungariae Historica 3. Monumenta Comitialia regni Hungariae 6. 1573—1581 (Bp., 1879)

III. A POZSONYI ORSZÁGGYŰLÉS 1578. FEBRUÁR, MÁRCZIUS ÉS ÁPRIL HAVÁBAN

1578. FEBRUÁK, MÁRCZIUSj ÉS ÁFRIL HAVÁBAN. 231 ita videtur procedendum, ut si huiusmodi praedones in recenti facinore vei aliter depraehensi fuerint, quod per supremos, vei etiam cuiusque loci capitaneum seu praefectum, in vincula coniecti, coram iudicio militari sistantur, iuxta eiusdem cognitionem et sententiam plectendi. Et in hunc quidem modum, in articulis quoque seu legibus militaribus, ad quarum obseruationem milites Hungari iuramento astringendi sunt, supremis capitaneis executio illa demandetur. Quod vero ad ipsos barones, nobiles et officiales, aliosue, qui huiusmodi excursores ac praedabundos homines alunt, Caesarea Regiaque Maiestas prioribus decretis inhaerendum censet. Nimirum, ut barones illi, nobiles et alii, per supremos regni aliosue capitaneos seu praefectos Maiestati suae, vei in eiusdem absentia domioo locumtenenti denuntientur : coram quibus per directorem causarum, sine longo iuris processu, accusati, eadem. qua praedones emissi, poena plectantur. Sin autem accidat, ut eiusmodi malefactores et praedones non quidem in recenti facinore deprehendantur, attamen postea in comitatibus comperti fuerint, neque tarnen vicecomites illos coram supremis regni aliisque capitaneis vel praefectis, iudicioque militari sistere voluerint, sed ipsos capitaneos et praefectos ad suas congregationes, ubi mitius cum illis agi sciunt, remiserint : Caesarea Regiaque Maiestas fideles Ordines et Status benigne hortatur, ut ad memoratas excursiones tanto magis coercendas, rem eo dirigere velint, quo vicecomites obstricti sint facinorosos illos dictis supremis regni aliisque capitaneis seu praefectis tradere, ac coram iudicio militari sistere. Atque eo casu, quo vicecomites inobedientes fuerint, idque facere neglexerint, ipsi supremi regui aliique capitanei seu praefecti potestatem babeant, malefactores illos comprehendendi, ac contra eosdem modo supradicto procedendi. In quorum executionem Maiestas sua decreuit in limitibus regni citerioribus duos iudices militares, unum scilicet ad civitates montanas, alterum vero inter Danubium et Drauum, eodem modo, quo iam ab aliquo tempore in superioribus regni partibus fieri consueuit, constituere et intertenere. Actum praeterea fuit in nouissimis Dietis de mutuis regnicolarum, ut qui exili forte de causa et ob priuatas controuer-