Fraknói Vilmos (szerk.): Monumenta Hungariae Historica 3. Monumenta Comitialia regni Hungariae 5. 1564—1572 (Bp., 1877)

V. A POZSONYI ORSZÁGGYŰLÉS 1572. SZEPTEMBER- ÉS OKTÓBERBEN.

448 A POZSONYI ORSZÁGGYŰLÉS. regis. Et solutio argenti sit equalis cum aliis fodinis Schemniciensibus. Dignetur Maiestas sua Cesarea fortificationi simul et conseruationi Castrorum Tokay et Zendreo benigne prouidere. Conuentus de Turotz per Dominum Episcopuin Agriensem restauretur, ita ut executiones obire possit. (Egykorit irat a magyar országos levéltárban.) VI. 1572. Október 10. Miksa király válasza a pozsonyi országgyűlés feliratára. Sacrae Cesareae, ac Hungáriáé et Bohemiae etc. Regiae Maiestati, Domino nostro clementissimo, non minori voluptati fűit, tam frequentem suorum fidelium, Dominorum Praelatorum, Baronum, Nobilium, aliorumque huius sui inclyti Hungáriáé Regni Statuum et Ordinum numerum, quo ad ornandam Maiestatis sue filii charissimi, Serenissimi, Principis, et Domini Domini Rhudolphi, Regis Hungáriáé etc. Coronationem, cum equitatu amplissime instructo alacriter conuenerunt, intueri atque conspicere, quam ipsi fideles Regnicolac ex Maiestatis sue, eiusdemque Serenissimi Regis advcntu se concepisse, scripto Maiestati suae exhibito, humiliter declararunt. Caesarea autem Regiaque Maiestas sua non solum libenti animo, verum etiam cum singulari fideles suos Regnicolas videndi desiderio, in medium ipsorum se contulit. Et quemadmodum Coronationis istius celebritas, Dei Optimi Maximi beneficio atque ope, summo cum ipsorum Regnicolarum consensu, instituta, et pari eorundem applausu feliciter, ac ex animi sententia peracta est: ita Caesarea Regiaque Maiestas sua futurum plane sperat, totoque optat pectore, ut is, qui nouo Regi, in suscipienda Hungáriáé Corona tam benigne adfuit, eidem nec in posterum uspiam desit; quinimo, ut auspicatum hoc faustumque sui regiminis initium, prosperrimi rerum successus, cum inclyti huius Regni commodo, salute et incremento, ac totius Reipublicae Christianae bono, se-