Fraknói Vilmos (szerk.): Monumenta Hungariae Historica 3. Monumenta Comitialia regni Hungariae 5. 1564—1572 (Bp., 1877)
IV. A POZSONYI ORSZÁGGYŰLÉS 1572. FEBRUÁR- és MÁRCZIUSBAN.
356 A POZSONYI OltSZÁGÖYULÉS continent, tam versus partes superiores, quam Sclauoniam, Zakolczam et Comitatum Trinchiniensem. Supplicant praeterea domini Praelati et Barones, Nobiles, caeterique Status et Ordines Regni, ut sua Maiestas Caesarea Castrum Selyn domino Nicoiao de Batbor, cui pro eo singulis annis certa pensio ex Camera Hungarica soluitur, ad crebras Regnicolarum instantias, restituere dignetur, ut Camera Maiestatis suae ab eo onere solueretur, et dominus Báthory bona sua recuperet. De negotio castri Zomzedwara et castelli Ztwbicza, dignetur Maiestas sua Caesarea bonum et iustum aliquem modum inuenire, ne fomes odii inter dominum Tahy et orphanos quondam Andreae Henyngh ulterius alatur, ex quo castri et castelli eorundem, nec non pertinentiarum media pars in manibus suae Maiestatis existat; et id fiat, quod ius et iustitia requirit. Praeterea domini Praelati, Barones, Nobiles caeterique Status et Ordines Regni, Maiestati suae Caesareae, uti domino et principi eorum clementissimo, humilime supplicant, ut, iuxta gratiosam suam oblationem, Serenissimis Archiducibus, filiis suis natu maioribus factam, dominum Stephanum Dobo, longa iam captiuitate fatigatum, in pristinam libertatem restituere, et priori gratia sua clementer complecti, similiter etiam a dominis Joanne Balassa et Gasparo Homonnay iram et indignationem suam auertere, et benignis eos oculis intueri (dignitur); quod ipsi cum tota eorum familia, atque Regnicolae ipsi omnes simul cum omni posteritate, fideliter et diligenter reseruire conabuntur. Postremo conquesta est Statibus et Ordinibus Regni vidua Ladislai olim Rady, quod Dominus Joannes Krwsyth bona et res ipsius, orphanorumque suorum violenter ademisset ; e contra Dominus Krwsyth respondit Ladislaum illum Rady, suum seruitorem fuisse, et in rationibus administrandis arcis Likawa circiter bis mille florenos ei debere; supplicant Maiestati suae Caesareae status et ordines regni, dignetur hac in re id statuere, quod erit iustum. Visum est etiam Regnicolis, ut Antonius Zekel e templo villae Battyan, quod fortificauerat, et ex quo multa mala vici-
