Fraknói Vilmos (szerk.): Monumenta Hungariae Historica 3. Monumenta Comitialia regni Hungariae 2. 1537—1545 (Bp., 1875)
XIV. A NAGYSZOMBATI ORSZÁGGYŰLÉS. 1545. Februárban.
6(3(3 A NAGYSZOMBATI ORSZÁGGYŰLÉS proxiruis premebamur, armis depellere atque excutere, quo tandem, deo bene juuante, amotis illis difficultatibus et jmpedimentis, que rationibus nostris cogitandj de communj salute Reipublice Christiane, aduersus perpetuum illum Christiani nominis hostem, obstare videbantur, predicto serenissimo fratrj nostro, eisque et alijs ipsius serenitatis regnis et domiuijs atque subditis et fidelibus, pro eorum eliberatione ab impendentibus ac presentibus periculis, presentes ipsi, copijs ac viribus Deo nobis concessis, adesse atque auxilium ferre possemus. Huic sane rej vt fundamentum aliquod iaceremus, in nouissimis comitijs Spirensibus, vna cum predicto serenissimo fratre nostro, dedimus operám apud Imperij ordines, vt illj expensa periculi magnitudine et rerum necessitate, in hunc annum subsidium defensiuum, et in proximum annum juxta auxilia in expeditionem generalem offensiuam contra Turcas decernerent. Ad hec nos obtulisse non solum daturos operám, vt ej expeditioni ac bello offensiuo aduersus communem hostem presentes, et omnj potentia preesse possemus, et illám deo dante pro ipsius serenissimi fratris nostri, eorumque ordinum Regni Hungarie, tum etiam ipsius Germanice Nationis et Reipublice Christiane securitate et pacificatione, ad salutarem exitum speratumque finem perducere niteremur, verum etiam in bona spe esse, fauentibus superis, nos in bellj societatem addueturos eos, qui tum conatibus nostris obstare atque jlla impedire videbantur. Neque sane eam spem nos ex toto fefelisse, quin positis inter nos et Christi anissimum Francié Regem, fratrem et affinem nostrum charissimum, armis, et pace constituta, primum nobis eure fuisse Reipublice consulere, eundemque serenissimum Francié Regem inducere, vt auxilia in hanc expeditionem Turcicam conferre, atque alijs Reipublice difficultatibus, precipue vero ratione offensiuj bellj in Turcas constituendi, opem ferre constitueret; eoque rem promouisse, vt ipse serenissimus Francié Rex ex parte sua in hanc expeditionem ferre suppetias Cataphractorum sexcentorum Gallicorum, qui constituunt equites bis mille quadringentos, et decem millia peditum Hispanorum, Italorum aut alterius nationis, quam nos optabimus, daturus sit.
