Fraknói Vilmos (szerk.): Monumenta Hungariae Historica 3. Monumenta Comitialia regni Hungariae 1. 1526—1536 (Bp., 1874)
XVII. FERDINÁND KIRÁLY NAGYSZOMBATI ÉS POZSONYI ORSZÁGGYŰLÉSEI. 1535. Október-Deczember.
1535. OKTÓBER—DECZEJ1BER. 575 Articulus XLin. Quod autem Maiestas sua usque modo, in quibusdam castris custodiendis, usa est externis officialibus et castellanis, respondit: excusatione non egere , apud eos praesertim , qui maximé sciunt bellorum motus et diuisionem Regni in causa fuisse; adeo quod Maiestas sua, etiam si voluisset, propter baec et aliarum rerum exigentiam, aliter se gerere non potuisset. Rebus tamen ad statum pacatiorem et solidiorem adductis, Maiestas sua Regia offert se ita exhibituram, quod in hac etiam parte, Status et Ordines Regni de eius Maiestate non sint ullam liabituri querelam; id quod, Deo optimo maximo authore, sua Maiestas breui etiam futurum sperat. Articulus XLIV. De rebus et negotiis fodinarum ac Montanarum ciuitatum, earumque Praefectis et Officialibus , deque arcibus , quas Regnicolae serenissimam dominam Mariam Regiam viduam iniuria obtinere queruntur , et item de Tricesima Posoniensi, ac decima Episcopatus Jauriensis , simul etiam de ducentis equitibus armatis, per eius Maiestatem Reginalem eonseruandis : Regia Maiestas , et literis , et nunctio sese apud suam Maiestatem Reginalem diligenter tractaturam offert ; ita ut in his omnia pro voto fidelium suorum efficiet. Articulus XLY. Noua item et inconsueta vectigalia , quae fortassis ex iniuria temporis erecta sunt , praesertim Leuchouiae et in Cornaron, Maiestas sua abolenda curabit.. Strigonii etiam de eo quod anno superiori , certis ex rationibus et causis , exigi caepit, quatenus ipsum vectigal in incommodum Regni vergere Maiestati suae demonstratum fuerit, sua Maiestas curabit mature prouidere. Articulus XLYI. Excubias item Strigonii , aliisque in loeis necessariis, Maiestas Regia tenebit, et talem ponet ordinem, ne quid desit.
