Fraknói Vilmos (szerk.): Monumenta Hungariae Historica 3. Monumenta Comitialia regni Hungariae 1. 1526—1536 (Bp., 1874)

XVII. FERDINÁND KIRÁLY NAGYSZOMBATI ÉS POZSONYI ORSZÁGGYŰLÉSEI. 1535. Október-Deczember.

572 A NAGYSZOMisATI ÉS POZSONYI ORSZÁGGYŰLÉSEK. \ Articulus XXXI. In exmittenclo Dicatore nulla dilatio fiat, sed in prima sede statim exmittantur, neque etiam pecuniae ad manus Dicatoris administratio ulterius, quam ad quintum decimum diem, post praedictam connumerationem differatur; sed ipso quinto decimo die adueniente, uniuersitas Nobilium, literas mulctae siue Birsagii, citra ulteriorem dilationem expedire, et manibus Vicecomitum et Judicum Nobilium dare debeat, committatque eorum vigore, Dicam ipsam Regiam more consueto exigendam. Articulus XXXII. Quod Comites et Judices Nobilium uniuscuiusque Comitatus, nihil praeter solitum salarium accipere audeant, et id quidem non antea, quam Dica totaliter exacta fuerit; et si quid culpa Comitis vel Judicum Nobilium inexactum fuerit, pro salario eorum coinputetur. Articulus XXXIII. Nullus dicare praesumat, praeter Maiestatem Regiam, et nemo etiam sponte oblatam Dicam, sine consensu Regio, accipere audeat, ut sua Maiestas intelligat, in quem finem illa Dica offeratur. Articulus XXXIV. Quia Ciuitates liberas, post obitum Serenissimi domini Ludouici Regis, nullum censum dedisse cognitum est: et si alioqui, pro fide et fidelitate Maiestati Regiae debita, per hos annos eas etiam maxima pertulisse grauamina constat. Cum tamen domini ac Nobiles, non modo facultatibus propriis, sed etiam capitibus et miseris colonis eorum, pro communi bono in praesentiarum parcere minimé queant; Visum est igitur, ut et ipsae Ciuitates liberae pariter et montanae, pro sua quaeque tenuitate contribuant,