Fraknói Vilmos (szerk.): Monumenta Hungariae Historica 3. Monumenta Comitialia regni Hungariae 1. 1526—1536 (Bp., 1874)
XIII. A BÉLAVÁRI, VESZPRÉMI, SZÉKESFEHÉRVÁRI, ZÁKÁNYI, KENESEI ÉS BERENHIDAI GYŰLÉSEK. 1531. és 1532-ben.
382 A KENESEI GYŰLÉS. 1532.' 422 Justa et honesta presidia acquisita sunt, que nisi Regia Maiestas Regno Hungarie abfuisset, sicuti supra dictum est, per medias personas impetrare difficillime potuisset. Et licet huiusmodi subsiclia non aspernenda sint, tarnen Regia Maiestas nihilominus in futura diéta Imperiali, ad quam Cesarea Maiestas iam propediem Ventura est, maiora impetrare ad effectumque reducere intendit. Itaque hortatur Regia Maiestas omnes status Regni sui Hungarie, boni consulere velint, equoque ferre animo, huiuscemodi Regie Maiestatis et preteritam et presentem brevem absentiam, quam in rem et commodum eorum factam esse mox sencient. Et quoniam post Imperialem dietam , proximis diebus Ratispone celebrandam, ubi Regiam Maiestatem cum prefata Cesarea Maiestate et ceteris Imperij principibus, precipue pro Christianitatis commodo et Regni Hungarie liberacione et defensione, convenire opere precium est, Sua Maiestas statuit conventum alium generalem per se toto Regno suo Hungarie ad festum beati Georgij nunc venturum indicere, ac ut illi conventui in persona quoque propria interesse possit summopere laborare. Iccirco non est sue Maiestati necessarium visum conventum per quosdam Regni Tncolas nuper in Kenesse congregatos pro festő Gregorij ad Berenhida indictum celebrare, cum terminus festi divi Georgii non multo longius instet et brevis sit. Et cum Maiestas Regia illi Regno suo non alium modum commodiorem subveniendi cognoverit, quam superius declaratum, Eam ob rem Conventum divi Georgij indixit; hortatur igitur fideles subditos suos, Eisdemque mandat, ut pretermisso Conventu sancti Gregorij, Conventui divi Georgij, sub salvo et securo conductu Ejus Maiestatis, universi interesse velint et debeant, ubi dei optimi maximi voluntate, ab Eius Maiestate Regia non solum intelligent, Sed etiam cum effectu sencient, et manu palpabunt, que in defensionem, liberacionem, commodum et tranquillitatem Eorum per hanc absenciam suam eomparaverit. (Eredeti fogalmazata a bécsi cs. és k. titkos levéltárban.)
