Fraknói Vilmos (szerk.): Monumenta Hungariae Historica 3. Monumenta Comitialia regni Hungariae 1. 1526—1536 (Bp., 1874)

IX. ERDÉLYI, HORVÁT- ÉS TÓTORSZÁGI GYŰLÉSEK. 1528. és 1529-ben.

218 ERDÉLYI ORSZÁGGYŰLÉSEK. 1528 ÉS 1529. 231 haetenus semper clubitatum fuisset de fide Siculorum, Tandem bonis auspitiis Maiestatis vestre, nescio quo fortuito casu, in quibusdam nuptijs dominus Marcus Pempflinger primates quosdam Siculos taliter in fidem Maiestatis vestre induxisset, vt Ilii postea congregatis reliquis deliberassent, literas quasdam ad Cyback et Radicz scribere, in quibus petebant, ne sibi posthac assumerent quicquam huiusmodi rumoris, contra eorum honorem et fidem machinarj, deinde alias literas patentes ad omnes status in suam excusationem, quod nunquam dubie cle Maiestate vestra sensissent, et quod pro eadem conseruanda et Joanne extirpando vitám ac fortunas exposituri erant, quarum exemplum credimus Maiestati vestre missum fuisse, vnde cum ex dei gratia iam regnum hoc satis pacatum videretur, quamvis adhuc alique reliquie restarent, que secreto non sincere sentirent, nihilominus velint, nolint acquiescent; rebus sic stantibus non fore opus nunc inducere exercitum externum in hanc prouintiam. Quod si Maiestas vestra eum versus Yaradinum et contra Radicz et alios Joanni assistentes misisset, nihil desiderari posse vtilius ac magis necessarium, Cum necesse sit delere memóriám Joannis, si Maiestas vestra vult pacifice frui regnis suis, alias quotidie nouas practicas fore pre manibus, Nec secure Tractari posse cum subditis Maiestatis vestre in eiusdem necessitatibus, Sed quod sperandum esset exercitum hunc alere sumptibus huius regni vltra promissum subsidium, hoc non modo tentandum, Sed ne cogitandum quidem. His Ita moti et animo dubij facti sumus, vt Episcopo obiecerimus: vnde Igitur Maiestas vestra hoc finxisset, nisi sibi oblatum fuisset? Et vnde hec noua securitas, quod non indigerent gentibus, quas toties petijssent ? Tum ille: verum fuisse, inquit, quod cum Turcus venturus nuntiaretur, Tunc meminerat se scripsisse pro mille pixidarijs Et aliquot catafractis, de quibus suo Tempore replicaret cum opus esset. Sed quod ipse aut alter nomine prouintie obtulisset alere exercitum de proprio, hoc non sibi persuadere debere Maiestatem vestram; Quod si quis fecit, Id pro se fecit, sed profecto Inseijs omnibus regnicolis, qui non modo non se obtulerunt ad maiores sumptus, sed gratiam potius et releuationem aliquam in dies clamitant a Maiestate vestra, pro preteritis eorum ser-