Nagy Imre: Sopron vármegye története. Oklevéltár első kötet 1156-1411 (Sopron, 1889)
reservavit maiestate. Penultimo itaque nostre considéracionis intuitum ad graves, imo gravissimas christicolarum anguscias pie compassionis zelum dirigentes, quomodo per turconicam feritatem christicolarum grex infligeretur crudeliter, aliis in vilissimam servitutem abductis, aliis per conculcacionem eorum in ore gladii in excidium viliter missis, hic timor, hic ploratus, hic ululatus in regioné christiana» in confusionis immense opprobrium, et scandalum christianitatis, salvatorisque contumeliam, ex compassione denique et sincero zelo defensionis et causa vindicte atrocium iniuriarum christicolarum, imo verius nostri redemtoris, et pro republica invocatis gentibus armigeris, nostri videlicet, et ceterorum Regnorum incolis diversarum nacionum plurális numeri iugiter convocatis et aggregatis, pre ceterisque nostris fidelibus primatibus et subditis, eisdem domino Johanne archiepiscopo, et Stephano filiis scilicet condam magistri Johannis de Kanizsa, cum propriis, eorum geminis seu binis ac magnifici viri domini Nicolai fratris ipsorum carnalis magistri tavarnicorum nostrorum, ex edicto nostro de regno Bulgarie antefato, ad ipsum regnum nostrum Hungarie pro tuicione eiusdem remeantis, cum tercio vexillis validis nobilium virorum militancium, precipueque consanguineorum ipsorum armata cohorte laudabiliter, insigniteque suffultis et stipatis, una nobiscum personaliter et potenter progredientibus, adversus et contra turcorum et impiissimi Bayzat imperatoris eorumdem ac ceterorum crudelium paganorum, regni nostri et nostrorum infestorum, capitaliumque inimicorum territoria et confinia regni nostri creberrime hostiliter devastancium, seviciam comprimendam et feritatem elidendam castra metati, et dum ad climata dicti regni Bulgarie, ubi ipsorum Bayzat imperatoris et turcorum ac ceterorum sismaticorum grandis cetus pollulabat, applicuissemus, fortissimisque civitatibus et castris Bidinio et Orehow nuncupatis, per ipsos turcas retentis et vendicatis, per nos in brachio excelso gloriose expugnatis et deo aminiculante reobtentis et nostris dicioni et dominio prorsus annexis et subiectis, ulterius castra metati fuimus versus castrum maioris Nicapolis, ubi bellica certamina cum predictis paganis regni nostri et
