Géresi Kálmán: A nagy-károlyi gróf Károlyi-család oklevéltára harmadik kötet (Budapest, 1885)

RUDOLF KOR.4. 469 sit reddidit et pronunciavit nostri in praesentia; e converso idem etiam Nicolaus Kwn pro praemissis omnibus in praescripta actione et aquisitione ipsius Michaelis Karoly ac quorum supra denotatis et specificatis, oneribusque et gravaminibus exinde subsequi fortasse valentibus, item pro expensis eorum actorum ad prosecutionem ipsius causae jam factis, quadraginta sessiones jobagionales seu colonicales suas et praescriptorum ceterorum litis consortum in causam attractorum populosas, in portionibus ejusdem Nicolai Kwn ac eorumdem in causam attractorum possessionariis, in oppido Gyarmat, ac possessionibus Kysar, Naghar, Naghodos, Gachial, Mathoch et Tyszabech vocatis in comitatu Zathmariensi existentibus habitas, per sortem legitimam excidendas, simul cum cunctis earum sessionum utilitatibus et pertinentiis quibuslibet, terris utputa arabilibus cultis et incultis, agris pratis pascuis campis fcenetis silvis nemoribus montibus vallibus vineis vinearumque promontoriis, vinorum educillationibus, aquis fluviis piscinis piscaturis, aquarumque decursibus, molendinis et eorumde^m locis, generaliter vero quarumlibet utilitatum et pertinentiarum suarum integritatibus quovis nominis vocabulo vocitatis, ad easdem de jure et ab antiquo spectantibus et pertinere debentibus, memorato Michaeli Karoly ac ceteris litis praescriptae consortibus veluti actoribus, eorumque heredibus et posteritatibus universis utriusque sexus, decimo quinto die a dato praesentium computando et subsecuturo, dare et assignare debeant et teneantur, per eosdem Michaelem Karoly et alios litis consortes, actores videlicet, eorumdemque heredes et posteritates utriusque sexus universos, perpetuo et irrevocabiliter tenendas possidendas et habendas ; eo declarato, quod si numerus praedictarum quadraginta sessionum colonicalium in praescriptis oppido et possessionibus non compleretur, extunc idem Nicolaus Kwn cum ceteris suis litis consortibus in causam attractis, de aliis bonis suis in praedicto comitatu Zathmariensi adjacentibus existentibus, defectum si quis erit complere et refundere modo simili debeat et teneatur ; hoc per praescriptas ambas partes declarato et admisso, quod si qua partium praemissam compositionem et transactionem in toto vei in aliqua sui parte non observaret et non adimpleret, sed violare et infringere