Notitia hungáriae novae historico geographica (Budapest, 2012)

Sopron vármegye

226

COMITATUS SOPRONIENSIS PARS SPECIALIS

Ditio arcis Leuka:

Ditio

Kapuváriensis:

§.vi.

Ditio Arcis Leuka

1. ) Bleygraben, ex nomine discas, plumbi olim proventu, florere oportuisse: quippe quod, Germanis fodinam plumbi significet. Nunc, praeter culturam agri nihil residui habet. Incolitur a Germanis.

2. ) Felső Lászloy, et

3. ) Alsó Lászloy, Germanis Ober und Unter Laschdorff, vici sunt modico intervallo ab arce, quae est ditionis caput, distantes. Uterque rivulo, qui ex Austria, in Csávám incurrit, adpositus est.

4. ) Micske, seu Strébersdorff, exiguus viculus.

5. ) Ke'thel, sive Mannersdorff, copiosus locus, agro tritici fertili et cannabis, tametsi viti non faveat. Lingua incolis Croatica, indoles, praeter gentis morem, eximia. Giinsio, dimidio milliari, seiungitur. [p. 152.]

6. ) Bonnya, Germanis Piringsdorff, haud procul a Castello Dörffel, Austriam versus, rivo adsedit.

7. ) Horvát Sidan, sive Sigerrsdorff priori consimilis.

8. ) Karló, locus est Austriae limitaneus, ideoque rure aspero.

9. ) Felső-Pulya, nobilium Hungarorum sedes.

10. ) Közép-Pulya, agrestis Hungarorum colonia.

11) Alsó-Pulya, Germanis Unter Pullendorff. Colitur ab inquilinis Croatis. Habet tiliam proceritatis atque umbrae eximiae.

12.) Kőhalom, vicus a Germanis habitatus, quibus Steinberg dicitur. Figulorum officinam diceres, ita, hoc, quidquid est artis, hoc loco invaluit. In primis fornaces laudantur, isthic incocti.

§.VII.

Ditio Kapuváriensis.

1. ) Kapuvár, vicus est praetorio adiunctus, et multa circumsessus uligine. Pomariis luxuriat fertilibus, quae passim, intra loca palustria, ad silvarum modum, sunt consita. In primis, pomorum illud genus, quod Hungari, Pogátsa Alma, alii Paradisiaca vocant, nimiopere proficit. Hanc deinde fructuum copiam, plaustris evehunt, asportantque incolae, in eos vicos, qui sunt a Pomona deserti.

2. ) Gárta, pari fructuum laude gloriatur. Sane tanta, haud raro pomorum, prunorumque copia exuberat, ut porcis pabulo fiant, [p. 153.]

3. ) Babot, et agris frumentariis, et hortensi fructu, laetatur.

4. ) Bogyosló, vilis locus est, sed eximie foecundus.

5. ) Ketzel,

6. ) Bő-Sárkány, mediocres coloniae.

7. ) Barbacs, a paludibus, quarum tres territorium eius insederunt, celebris, Hungaris Barbacsi-Tó, dictis.