Notitia hungáriae novae historico geographica (Budapest, 2012)
Sopron vármegye
MEMB. IV. DE DITIONIB. SECT. I. DITIONES PRINC. ESZTERHÁZII 225 12. ) Frauhad, ab aede sacra, quam B. Mariae Virgini dedicavere primi conditores, nomen traxit: Hungaris Look dictus. Ingens isthuc hominum multitudo, religionis caussa statis anni temporibus, atque die, in primis Assumtionis B. V. M. commeare solet. Augent celebritatem nundinae, accolis, atque mercatoribus, haud ignotae, [p. 149.]' 13. ) Reiding, locum insedit depressum planumque, castris ideo metandis, commodum, quorum aliquot heic fuisse posita, incolae meminerunt. 14. ) Haricson, uno tantum clivo, ab Nekenmark, dividitur. Vicus totus Croaticus est. Mos, hic, immo rabies est, invaluit, ut si quis peregrinus, mulierem huiatem, de nomine vici interroget, ab incolis concursantibus, in discrimen vitae vocetur. Profecto ante haud dimittitur, nisi bene pulsatus, poenas dederit, procacitatis, a lasciviente splene profectae. Perditi moris originem, nemo est, qui possit expromere. Terra vici tritici ferax est, et nemoribus iucunda. 15. ) Petersdorff, Haschendorffo vicinus. Situm indeptus est humilem, eo itinere, quod [p. 150.] Günsium, sive Kőszögum deducit. 16. ) Lakendorff, erectiore paullo positu, sed vili aedificiorum structura, si nobilium domos excipias, quarum duas elegantiores ostentat. 17. ) Riczing, grandis vicus, castanetis Semproniensium, subiectus, et latronum olim hospitiis infamis. 18. ) Lakenbach, vicus est, arci, a qua denominatur, proximus. Caret vite, sed hortis principis Eszterhdzy, recens instauratis, insigniter cultus. Habet agros, frumenti non minus, quam pabuli, fertiles. §.V. Ditio Arcis Kabold 1. ) Kabold, rivulo ab arce disiunctus, a Iudaeis, iuxta et Christianis, habitatur. 2. ) Vaeperd, Germanis, Webersdorff, dimidio lapide, a Kabold dissidet, loco iucundo, et fluviolis irriguo. 3. ) Stob, a mola, quam Liber Baro de Mandorff secessus caussa adornavit, aliquam sortitus est celebritatem. 4. ) Lindgraben, locus haud utique fertilis sed non importunus tamen, ad rusticandum. 5. ) Petersdorff, priori lautior. Visuntur heic aliquot insignia aedificia, quae illustres olim familiae, Stubenvolliae, Mandorff ae, reliquae, longa annorum serie, inhabitarunt. 6. ) Csurendorff, exiguus viculus, situ intra montes reiecto, ex quibus multa pe[p. 15l.]da- mentorum millia, incolae quotannis vinitoribus ministrant, vitamque hac opera, degunt, non plane incommodam. 7. ) Kalchgruben, haud procul distat a Csuzendorff situ, et vivendi modo, haud multum dissimili. 1 1 Quae ex descriptione vici Frauhad reliqua erant (in paginis 147-149.), auctor deleri iussit; cuius rei causam ut inte/ligas, vide notam nostram i. in p. 222. Ditio arcis Kabold:
