Notitia hungáriae novae historico geographica (Budapest, 2012)

Sopron vármegye

224

COMITATUS SOPRONIENSIS PARS SPECIALIS

Ditio

Lánsériensis:

20. ) Schadendorff, proxime adiacet Sempronio, humido ad rivum Tásche positu, idque in radicibus clivi, molliter se erigentis. Germanico et hi idiomate utuntur, agrique foecun- ditate gaudent.

21. ) Draszburg, vicus mediocris, et ex re oeconomica, Adami L. B. deMesko, notus, cuius parte sui tertia, haeredium fuit. Reliquum vici principis Eszterházii est.

22. ) Haschendorff, vicus exiguus, at fructuosa tamen segete in agro non plane fertili, memorandus.

23. ) In regione interamnana, cui Rábaköz nomen, [p. 146.] huc pertinent vici: Veskény, tenuis locus, et viliorum aedium, sed frumenti tamen fertilis: viti enim, tota haec regio, ob uvidam positionem, inhospitalis est.

24. ) Szár-főid opimus vicus, nec peior eo

25. ) Choma, quae in oppidis erat;

26. ) Farád, denique

27. ) Némethi, quorum singuli, multa fruge exuberant.

§. IV.

Ditio Lánsériensis1

1. ) Landsee, Hungaris Lánsér, vicus, arci eiusdem nominis, subsitus, Austriacam habet coloniam, agrum autem indolis montosae.

2. ) Weingraben, Croatarum sedes, qui praeter agros frumentarios, nihil habent, quod colant.

3. ) Császár, Germanis Kayserdorff, ruris habitu, suppar priori.

4. ) Derecske, Germanis Draszmark, vitis quidem inops, sed agrorum contra dives.

5. ) Felső-Ramócz, seu Ober-Rabnitz,

6. ) Also-Ramócz, seu Unter-Rabnitz, a rivo, quo alluuntur, adpellati.

7. ) Kózép-Pulya, Germanice Mittler Bulendorff. Distat Günsio milliari uno. Ante templum habet tiliam eximie proceram, lateque spargentem ramos. Severissime cavent incolae, ne vetustissimae arbori, aut quidpiam detrahatur, aut iniuria fiat alia. Agri fertilitas, cannabis proventu, cum primis celebratur.

8. ) Gyirot, Germanis Geresdorff2 [p. 147.] a Croatis insidetur. Avena heic optime convalescit, unde conficias, de agri ingenio. Ceterum, locus lacunis et stagnis impeditus, cultum humanum non ubique admittit. Vino quidem affluit, sed vili eodem, et austero.

9. ) Siegendorff, distat Sempronio stadia quatuor, summum quinque, unico tantum nemore, Tudleswald vocant, secretus. Obiicitur ei a septentrione Kis-Martonium, ut adeo situ loci nihil possit esse amoenius. Croatae sunt incolae, sed Germanicae linguae gnari.

10. ) Neuthal, in depressa valle positum est, haud procul a vico D. Martini. Sunt hic complura nobilium domicilia. Lingua incolis Croatica est.

11. ) Vicus D. Martino sacer, viam ad Austrios, regiam transmittit, ideoque a vectigali, quod tricesimam adpellant, innotuit.

1 corr. ex Lánsér 2 Verbum itidem ob quasdam correctiones ab auctore adhibitas supervacaneum factum

a nobis dei.