Notitia hungáriae novae historico geographica (Budapest, 2012)
Sopron vármegye
MEMB. II. DE ARCIBUS ET CASTELLIS. DE FRAKNO 201 tali quidem modo et conditione, ut per manus Tricesimatorum praedictarum tricesimarum, ad quietantiam ipsius Palatini (postmodum loco paratae pecuniae in perceptoratu camerae nostrae Hungaricae acceptandam)1 et quidem angariatim quarta pars praedicti salarii rectificari, et absque defectu numerari debeat. Immo annuimus, decernimus et statuimus, ipsumque palatinum nostrum superinde certificamus et assecuramus, prouti et camerae nostrae Hungaricae harum serie committimus et mandamus, quatenus prae- libati regni nostri Hungáriáé Palatinum de supra specificata viginti quatuor millium flo- renorum summa, citra omnem moram et difficultatem, per praedictos tricesimatores, aut iis non sufficientibus aliis ex mediis Cameralibus contentari facere debeat et teneatur. Harum nostrarum secreto sigillo nostro quo ut Rex Hungáriáé utimur impendenti communitarum vigore et testimonio litterarum, [p. 117dd] Datum in libera ac regia civitate nostra Soproniensi die vigesima septima mensis Augusti, Anno Domini millesimo sexcentesimo octuagesimo primo. Regnorum nostrorum Romani vigesimo tertio, Hungáriáé et reliquorum vigesimo sexto, Bohemiae vero anno vigesimo quinto. Leopoldus Joannes Gubasóczi Episcopus Nitriensis. Johannes Maholányi. §. XIV.2 Idoneo haec loco interserta a nobis eo minus ambigimus, quo tutius laudes alienas praedicari posse putamus, si regum diplomata, agmen ducant, testium, ex se quidem incorruptorum, sed quibus tamen ex facili fidem possit derogare invidentia. Reliqua summi viri ornamenta, quae in Diplomate perscribi nondum potuerunt, tanta sunt, tamque varia, ut iis quidem, edisserendis, ne Liviana quidem sermonis ubertas suffectura videatur. Dixerunt ei panegyricos alii, sic satis facunde; nos, ne maiorem omni oratione heroa sileremus, Frakno a tenuitate nostra, cuius egregie nobis sumus conscii, impetravit. Certe, res ab eo gestas recensere, consummatissimi historici esse existimo, exornare, vix cuiusquam oratoris, eloquentiae etiam profusissimae. Tandem, aetate, iuxta et usu rerum3 clare administratarum gravis, anno MDCCXIII. VII. Cal. Apriles vitam cum morte Kis-Martonii commutavit, dum annis LXXVIII. vixisset, quatuor regibus Ferdinando III., Leopoldo, Josepho, et Carolo III. longe omnium gratiosissimus. Ad opera, quae in arce hac sua, aut consummavit, aut eduxit, veniamus. In illis censemus, supremam praetorii partem, altius quidem subductam a patre Nicolao, neque a Ladislao fratre penitus desertam, quam ita instruxit, hypocaustis, coenaculis, palatiis, et nulla non ad commode atque eleganter habitandum, opportunitate alia, ut non tam sibi, suisque posteris, sed regibus; neque ad voluptarium secessum; sed et ad belli pericula, et securitatem, aedificasse credi possit. Nam et intus, ad decus et splendorem, sua dignum celsitudine, perfici omnia curavit; et circum, ad eum modum moenia turribus, has, operibus militaribus aliis commisit, ut arcem natura et ex positionis habitu, prorsus inaccessam, his istiusmodi molibus, uti paucis numero militibus, si fides insit ac virtus, ex facili defensandam; ita vix giganteo ausu atque contentione expugnandam [p. 117ee] 1 Uncus add. a nobis sec. copiam Libr. Reg. 1. c. et Trophaf.um 1700.1. c. 2 corr. ex XIII., de quo vide notam nostram i. in p. 193. 3 vocula que vocabulo rerum adiuncta ut in textu superflua a nobis dei.
