Notitia hungáriae novae historico geographica (Budapest, 2012)
Sopron vármegye
200 COMITATUS SOPRONIENSIS PARS SPECIALIS et adversarios nostros publicam pacem et tranquillitatem praememorati Regni nostri Hungáriáé turbantes et convellentes, a nobis expeditus, eosdem in aperto campo collatis fortiter signis, avitae fidelitatis, virtutis, constantiae, et fortitudinis memor infracto, et excelso animo pro Dignitate et authoritate legitimi Regis, ac Domini sui observanda cecidit, fugavitque, prout in praesentiarum etiam coepta huiusmodi debitae fidelitatis obsequia, benigna et omnimoda cum satisfactione nostra continuando, exhibet ac impendit, et imposterum quoque, uti de ipso benigne nobis persuasum habemus, pari integritatis, et promtitudinis zelo, constantiaeque studio, ac fervore exhibere et impendere non cessabit. Ad quod praeclare factorum et virtutis decus eximium, ut gratiae et regalis clementiae nostrae accedat munificentia, omniumque1 meritorum perenne evadat moni- mentum, quo ipse quoque nobis sincere dilectus Comes Paulus Esterhás de saepe nominata Galantha haeredibus et posteritatibus suis simile bene merendi insigne exemplum relinquere post se valeat. Ideo Nos eundem Comitem Paulum Esterhás in praesenti Generali memorati regni nostri Hungáriáé Diaeta, quam ad diem vigesimam octavam Mensis Aprilis Anni modo labentis infrascripti universis fidelibus nostris eiusdem regni nostri Hungáriáé, et partium eidem annexarum Statibus et Ordinibus in liberam regiamque civitatem nostram Soproniensem indixeramus, et promulgaveramus, ad Vica- riatus nostri honorem, dignitatem nimirum Palatinalem, quam Comes quondam Fran- ciscus Wesselényi alias eiusdem regni nostri Hungáriáé Palatinus per mortem, et ex hac vita decessum suum aliquamdiu vacantem reliquerat, cum fideli nostro nobis2 itidem dilecto spectabili ac magnifico Comite Nicolao Erdődy de Monyorókerék, regnorum nostrorum Dalmatiae, Croatiae, ac Sclavoniae Bano primum candidando, ex post nostro, et dictorum universorum statuum ac Ordinum fidelium nostro[p. 117cc]rum pari et unanimi voto, ac consensu eligi, et per maiestatem nostram cum omni illo iure, ac praerogativa, qua Praedecessores sui usi fuere, ipsisque Palatinis de iure competit, benigne confirmari, ac promoveri contigit; Nos pro regia nostra, qua erga ipsum Palatinum nostrum, benignitate, et clementia afficimur, eidem tum de honesta, et sufficienti illius sustentatione, tum etiam pro militum utriusque generis equitum videlicet, et peditum, ad custodiam illius deputatorum intertentione, cum eodem Palatino nostro transegimus, et convenimus, atque nos benigne, specifice et realiter resolvimus. Nimirum clementer annuentes, cernentes,3 et statuentes, utopte4 Comiti Paulo Esterházi de Galantha, ac dicti regni nostri Hungáriáé Palatino, videlicet, tam pro intertentione sua, quam vero5 ratione annui sui salarii a decima tertia die praeterlapsi Mensis Iunii anni praesentis millesimi sexcentesimi octuagesimi primi, die videlicet electionis suae in Palatinum incipiendo; Deinde vero pro militum ad personae illius custodiam deputatorum, tam equitum videlicet, quam peditum sustentatione, et solutione, in toto pro universa illius, et quidem satis commoda intertentione pro praesentis temporis statu singulis annis vi- ginti quatuor florenorum millia, singulum florenum per viginti grossos Caesareos computando, ex proventibus tricesimarum nostrarum Sencziensis, Soproniensis, Ovariensis, Prukiensis, Tyrnaviensis et Jaurinensis, ullo absque defectu pendantur, et persolvantur, 1 sic et in Trophaeum 1700. III. f. Dd2v; copia Libr. Reg. p. 733. taliumque 2 nobis add. sec. copiam citatam 1. c.; Trophaeum 1700. 1. c. om. 3 sic et in Trophaeum 1700. 1. c.; copia Libr. Reg. 1. c. decernentes 4 sic et in Trophaeum 1700. III. f. Dd3r; copia Libr. Reg. p. 734. ut praefato 5 corr. ex vera sec. copiam Libr. Reg. 1. c. et Trophaeum 1700.1. c.
