Notitia hungáriae novae historico geographica (Budapest, 2012)
Sopron vármegye
MEMB. II. DE ARCIBUS ET CASTELLIS. DE FRAKNO 199 quondam Comitis Nicolai Esterhaz fidelitas in perpetuam posterorum suorum memoriam elucescit. Cuius filius primogenitus spectabilis nimirum ac magnificus olim Comes Ladislaus Esterhás de praeallegata Galantha, praedefunctae quondam suae Sacrae Caesareae Regiaeque Maiestatis Ferdinandi III. domini videlicet genitoris, et praedecessoris nostri desideratissimi piae memoriae Camerarius, Consiliarius, praesidiique Papensis supremus Capitaneus in viridi adhuc aetate praetactis laudabilibus antelatorum maiorum suorum vestigiis inhaerendo domestica gloria non contentus, suo quoque Marte genus et familiam suam [p. 117aa]‘ alioquin vetustam, ac ut praemissum est celebrem, maioribus gloriae titulis illustrare condecorareque voluit, dum contra naturales Christiani nominis hostes, Tureas, ad pagum Nagy-Vezekény, in anno millesimo sexcentesimo quinquagesimo secundo praeterito forti ac imperterrito animo dimicando, eo tum ibidem cum tribus patruelibus suis, utpote Francisco, Thoma, et Casparo, pro dulcissima patria gloriose occumbere non dubitavit, illibatam fidelitatem, sanguine suo, cum perpetua, et insigni nominis sui laude contestando. Quoniam autem non degener praenotati quondam Comitis Ladislai frater germanus praetacti quondam Comitis Nicolai Esterhás Palatini filius, utpote fidelis noster, nobis sincere dilectus spectabilis, et Magnificus Comes Paulus similiter Esterhás de toties fata Galantha perpetuus in Frakno, Magister curiae nostrae regiae, Sacri Romani Imperii nostri eques, Comitatus Soproniensis Supremus Comes, partium praerepetiti Regni nostri Hungáriáé antemon- tanarum generalis Capitaneus, Camerarius, et Consiliarius noster intimus, semper in id omnibus ingenii ac animi viribus incubuit, ut cum primis Sacrae saepefati Regni nostri Hungáriáé Coronae, et deinde maiestati nostrae, praescriptaeque inclytae et Augustae Domui nostrae Austriacae summa semper fide, et sinceritatis constantia, atque alacritate, famulari et inservire posset, et quemadmodum iam a viginti octo annis nobis, ante- nominatisque praedecessoribus nostris, gloriosissimis fideliter et sine labe inserviens, multifariis contra hostes victoriis clarus extitit, suam pro Deo, nobis ac dulcissima patria strenue navans operam, et cum virtus per ardua tendat, in rebusque adversis magis illa elucescat. Posteaquam proximo belli turcici tempore, in anno videlicet millesimo sexcentesimo sexagesimo quarto praeterito Canisam obsidione cingi fecissemus, ad unicam dumtaxat benignam requisitionem nostram, cum numerosis militibus, tormentisque, ac munitionibus suis, nullos labores, sed nec vitae pericula pertimescendo, vel facultatibus, expensisque suis parcendo, eo se contulit, ibidemque prudentissimi ducis, simul et militis fortissimi munia obeundo, prompto et exerto desideratae fidelitatis, et constantiae exemplo, aliis tamquam speculum (uti id a compluribus occulatis testibus nobis innotuit) praeluxit, tantoque discrimini expositus fuit, ut tormenti hostilis globo pileus eidem ex capite eriperetur, et dum [p. 117bb] non pauci suorum diversis in praeliis, ac ipso etiam obsidionis in ardore desiderarentur, imperterritus persistens, de hostibus in quindecim iam congressibus et dimicationibus in persona interfuit, iugique felicitate, semper victoriam reportavit. Turcica vero praesidia, seu fortalitia aliquot, ac inter cetera Segesd, Bárcz, Turbek, Darda, et Babocha, nostrae subiecerat potestati, sed et contra perduelles, 1 1 Paginae i/yaa-gg, quae e manuscripto nescioquo modo excidissent, ex negligentia archivariorum non equidem in suum locum, sed in fine manuscripti F sunt positae (vid. ibid. ff 79-82.); cum autem procul dubio huc pertineant, litteris in hoc manuscripto sequentibus (ujaa-gg) eas notavimus.
