C. Tóth Norbert: Az esztergomi székes- és társaskáptalanok archontológiája 1100–1543 - Subsidia ad historiam medii aevi Hungariae inquirendam 9. (Budapest, 2019)
Függelék
Függelék 289 Nos Thomas miseratione divina tituli Sancti Martini in montibus Sancte Romane ecclesie presbiter, cardinalis Strigoniensis locique eiusdem comes perpetuus, primas Hungarie et Apostolice Sedis legatus natus necnon summus ac secretarius cancellarius aule regie maiestatis etc. memorie commendamus tenore presentium significantes, quibus expedit, universis, quod nos inducti virtutibus et meritis venerabilis magistri Iohannis de Zathmar, nepotis nostri Italie in gimnasio Ferrariensi litteris operam dantis preposituram maiorem dicte ecclesie nostre Strigoniensis necnon canonicatum et prehendam cum rectoratu altaris Beatissime virginis Marie, nunc in eadem ecclesia nostra per mortem venerabilis condam domini Pauli de Kethaz eorundem prepositure ac canonicatus et prebende necnon rectoratus altaris ultimi, veri, legittimi ac immediati possessoris de iure et de facto vacantes eidem magistro Iohanni tanquam persone idonee et benemerite auctoritate iuris patronatus nostri ac etiam ordinaria, quibus fungimur, duximus dandum et conferendum, ymmo damus donamusque et conferimus et eundem absentem tanquam presentem investimus de eisdem, curam et omnimodam administrationem eorundem prepositure ac canonicatus et prebende necnon rectoratus altaris in spiritualibus et temporalibus eidem eiusque sollicitudini committentes per presentes. Volumus tamen, quod idem magister Iohannes, postquam de studio reversus fuerit ad has partes Hungarie, de fidelitate et obedientia et aliis consuetis solitum iuramentum prestare teneatur. Quocirca vobis, venerabilibus fratribus nostris in Christo dilectis, capitulo eiusdem ecclesie nostre Strigoniensis harum serie in virtute sancte obedientie firmiter precipientes commi [tt] imus et mandamus, quatenus statim acceptis presentibus antelatum magistrum Iohannem vel procuratorem suum eius nomine in h[anc rea]lem actualemque et pacificam possessionem dictorum prepositure, canonicatus et prebende necnon rectoratus altaris Sancte Marie virginis dotis et aliarum pertinentiarum eorundem introducatis et imponatis et inductum auctoritate nostra predicta defendatis ammoto exinde quolibet detentore, stallo eidem in choro ac voce et loco in capitulo cum plenitudine iuris canonici assignatis faciatisque eidem et nemini alteri de universis iuribus, redditibus ac proventibus dictorum prepositure, canonicatus et prebende necnon rectoratus altaris per hos, ad quos pertinet, respondere ac responderi facere locis debitis et temporibus opportunis, in quorum fidem et testimonium presentes litteras nostras exinde fieri nostrique sigilli fecimus impressione communiri. Datum Bude, in domo solite residentie nostre, septima die mensis Octobris, hora vesperarum vel quasi, anno Domini millesimo quingentesimo secundo. Thomas cardinalis Strigoniensis Nicolaus de Athya manu propria scripsit1 notarius2 1 Más kézzel. 2 Az oklevél írójának kezével.
