C. Tóth Norbert: Az esztergomi székes- és társaskáptalanok archontológiája 1100–1543 - Subsidia ad historiam medii aevi Hungariae inquirendam 9. (Budapest, 2019)
Függelék
290 AZ ESZTERGOMI SZÉKESKÁPTALAN 10 1520. március 25. Esztergom vára Bakóc Tamás bíboros, esztergomi érsek, konstantinápolyi pátriárka, prímás, apostoli oldalkövet a Körmendi Mihály lemondásával megüresedett esztergom-szentistváni kanonokságot Káposztásmegyeri Albert presbiternek, esztergomi karbeli javadalmasnak adja. Papíron, kiemelt kezdő nagy T betűvel, a szöveg alatt papírfelzetes pecséttel. EKM Acta radicalia 53-1-17. (DF 238253., másik hibás jelzetű [52-1-17.], de ugyanerről a példányról készült fotómásolata: DF 238023.) - Vö. Pór 12. Thomas miseratione divina tituli Sancti Martini in montibus Sancte Romane ecclesie presbiter cardinalis Strigoniensis ac patriarcha Constantinopolitanus, primas Hungarie et Apostolice Sedis legatus de latere etc. dilecto nobis in Christo honorabili Alberto presbitero de Kapuzthasmegyes (!), prebendario chori ecclesie nostre Strigoniensis, salutem in Domino paterna cum benedictione. Vite et morum honestas aliaque laudabilia probitatis et virtutum merita, super quibus apud nos fidedigno meruisti, commendari testimonio nos inducunt, ut te favore prosequamur opportuno. Cum itaque canonicatus et prebenda in ecclesia collegiata Sancti Stephani prothomartiris de castro nostro Strigoniensi, nunc per puram, simplicem liberamque et spontaneam cessionem et resignationem honorabilis magistri Michaelis Kermendy eorundem canonicatus et prebende ultimi et immediati possessoris ad manus nostras legittimas factam et per nos admissam de iure et de facto vacent et vacare dinoscantur, nos premissorum meritorum tuorum intuitu huiusmodi canonicatum et prebendam modo quo supra vacantes tibi tamquam persone idonee et bene merite nostris ordinaria et iuris patronatus auctoritatibus, quibus fungimur, duximus conferendum et de eisdem providendum tenoreque presentium conferimus et providemus ac innata Spiritus Sancti gratia te in eisdem in Dei nomine canonice instituimus et confirmamus investientes te per birreti nostri capiti tuo impositionem a te iuramento corporali ad Sancta Dei ewangelia manibus tuis tacta prestito, quod nobis et nostris successoribus archiepiscopis legittime intrantibus ac nostris et eorum vicariis pro tempore constitutis fidelis et obediens eris, necnon venerabili domino Michaeli Hanel moderno futurisque veris prepositis annotate ecclesie Sancti Stephani similiter in licitis et honestis obedientiam et debitam reverentiam impendes, quodque res, bona et iura dicte ecclesie Sancti Stephani non alienabis neque distrahes, alienata vero et distracta, si que forent, ad ius et proprietatem eiusdem restitues et restitui procurabis tuo posse. Quocirca nobis in Christo dilectis honorabilibus dominis canonicis eiusdem ecclesie Sancti Stephani in virtute salutaris obedientie firmiter precipientes committimus et mandamus, quatenus ipsi receptis presentibus te vel tuo nomine procuratorem tuum legittimum et neminem alium in et ad realem actualemque et pacificam possessionem eorundem canonicatus et prebende admittere ac in socium et concanonicum ipsorum recipere necnon stallo tibi in choro voceque et loco in eorum medio cum omni plenitudine iuris canonici assignatis, de universis fructibus et
