Zsigmondkori oklevéltár XII. 1425 (Magyar Országos Levéltár kiadványai, II. Forráskiadványok 52. Budapest, 2013)

1425

1425. március 28.

147

354 Márc. 28. Nos Sigismundus, Dei gratia Romanorum rex, semper augustus ac Hungarie, Bohemie, Dalmatie, Croatie etc. rex memorie commendamus tenore presentium significantes, quibus expedit, universis, quod fidelis noster dilectus strennuus vir, magister Iohannes filius Chyre de Almus, miles reginalis maiestatis in sua et Ladislai fratris sui carnalis personis ad nostre maiestatis accedens presentiam propositis suis fidelitatibus et fidelium servitiorum gratuitis meritis, tam nobis, quam eidem domine regine conthorali nostre carissime iugiter et indefesse exhibitis et impensis a nostra maiestate humiliter petivit, quod nos ipsis gratiose annuere dignaremur, ut ipsi in territorio alicuius eorum possessionis et specialiter in facie possessionis ipsorum Pache vocate in comitatu Byhoriensi existentis, ubi maluerint, castrum seu fortalitium, fortalicium lapideum vel ligneum pro se et eorum heredibus construendi et edificandi iuxta eorum placitum haberent facultatem. Nos itaque recensitis et in memoriam nostre mentis revolutis huiusmodi fidelibus et laude dignis servitiis antefati magistri Iohannis filii Chyre, volentes eiusdem petitioni secundum eius merita nostrum regium benevolum prebere auditum, ex speciali nostra annuentia et gratia speciali eidem magistro Iohanni et prefato Ladislao fratri ipsius eorumque heredibus hoc duximus concedendum, ymmo annuimus et concedimus, quod ipsi ubicumque intra limites propriarum possessionum eorum et signanter in facie prenominate possessionis ipsorum Pache, ubi maluerint, castrum seu fortalitium, fortalicium lapideum vel ligneum, sicuti eis placuerit, construendi, edificandi, tenendi et possidendi plenam habeant potestatis facultatem, presentium nostrarum litterarum vigore et testimonio mediante. Datum in Tata, feria quarta proxima ante dominicam Ramis palmarum, anno Domini millesimo quadringentesimo vigesimo quinto, regnorum nostrorum anno Hungarie etc. tricesimo octavo, Romanorum quintodecimo et Bohemie quinto. - A szöveg élén jobbról: De commissione propria domini regis.

Hártyán, kiemelt Nos Sigismundus, alul a függőpecsét befüggesztésének helyét kivágták. DL 29234. (GYKOL, Cista comitatuum, Bihar 2-7.)

355 Márc. 28. Nos Sigismundus, Dei gratia Romanorum rex, semper augustus ac Hungarie, Bohemie, Dalmatie, Croatie etc. rex memorie commendamus tenore presentium significantes, quibus expedit, universis, quod nos, cuius ex suscepti regii regiminis officio ab alto nobis credito interest commodo et statui tranquillo regnorum nostrorum predictorum et presertim huius peculiaris regni nostri Hungarie pervigili cura invigilare et circa ea, qualiter et quibus modis et dispositionibus ipsius regni nostri Hungarie et eius confiniorum et presertim regni nostri Sclavonic limites et termini premuniti ab insultibus et emulis nostris diese et indempniterpreserventur incoleque eorundem adaptate pacis tranquillitate possint gratulari, nostre interioris mentis oculos ad spectabilem et magnificum Hermanum Cilié Zagorieque comitem, regni nostri Sclavonic predicti banum, socerum nostrum carissimum et fidelem dirigentes, de ipsiusque circumspecta providentia et pure fidei constantia ad modum confidentes, omnes et singulos proventus nostros mardurinales nobis et fisco nostro regio in dicto regno nostro Sclavonic in signum dominii nostri naturalis provenire debentes, simulcum eorum dicatione et exactione eidem Hermanno comiti et bano duximus committendos et pro tuitione regni nostri Sclavonic deputandos, tamdiu donec ipse predicto honore banatus iamdicti regni nostri Sclavonic fretus fuerit et potitus.