C. Tóth Norbert: Politikatörténeti források Bátori István első helytartóságához (1522-1523) (Magyar Országos Levéltár kiadványai, II. Forráskiadványok 50. Budapest, 2010)
Oklevelek, levelek
1522. június 99 83 1522. június 18. Buda. Bátori István nádor, királyi helytartó levele Pozsony városához, amelyben nyomatékosanfelszólítja őket a harmincad ügyében küldött korábbi parancsai végrehajtására. Papíron, a szöveg alatt papírfelzetes pecséttel. AMB, Pozsony város tanácsa: Középkori oklevelek és levelek 2622. (DF 241 229.) — Regesztája: Bratislava II. 88/4767. Stephanus de Bathor regni Hungarie palatinus et iudex Comanorum, comes The- mesiensis serenissimique principis et domini, domini Ludovici Dei gratia Hungarie et Bohemie etc. regis in absentia sue maiestatis locumtenens etc. prudentibus et circumspectis iudici et iuratis ceterisque civibus et inhabitatoribus civitatis Posoniensis salutem cum favore. Quamvis nos antea per plures litteras nostras commiserimus vobis et in persona regia in eo mandaverimus, ut homines et familiares dominorum Iohannis Bornemyzza et Ambrosii Sarkan in ista tricesima Posoniensi constitutos semota omni occasione et renittentia ac difficultate aliquali de eadem quam citissime eiceretis et expelleretis, id quod ne in hunc diem fecissetis. Tamen nunc veniens nostri in presentiam egregius Stephanus Aczel tri- cesimator eiusdem tricesime, nos summa cum instantia in eo rogavit, ut ex quo a domino Bornemyzza, domino suo nullam super restitutione istius tricesime informationem nullumque mandatum habeat, pateremur saltem tantillum more et relinqueremus eundem interea in predicta tricesima, donec prefatum dominum suum adyre et ab eodem informationem de hoc certam habere posset, ne per hoc sibi et honori suo quitquam derogaretur. Nos itaque volentes eius honori consulere et petitioni sue, utpote digne et iuste acquiescere annuimus et concessimus sibi, ut interea, donec prefatum dominum suum de hoc edocere et certum quamprimum reddere ab eodemque informationem habere poterit, in eadem tricesima permanere et eandem pro parte domini sui tenere possit, quem et per vos quoque interea, donec aliud superinde habueritis in mandatis, in eadem medietate permitti et relinqui volumus et mandamus, pro parte autem domini Ambrosii Sarkan, cuius et dies arendationis iam expiravit et queque etiam debita in sortem medietatis istius tricesime data et credita, excepta sunt et rehabita. Volumus et vobis authoritate regia, qua nunc fungimur, harum serie sub amissione omnium bonorum vestrorum firmissime committimus et mandamus, quatinus statim visis presentibus ampliori mandato superinde non expectato, illam medietatem, quam scilicet prefatus dominus Sarkan hactenus tenuit et possedit, quam citissime occupare eamque manibus hominis regie maiestatis istic constituti dare et assignare debeatis et teneamini, homines et familiares prefati domini Sarkan de illa omnino eieciendo et removendo authoritate regia presentibus vobis concessa mediante, secus nulla variatione1 fa-
