Zsigmondkori oklevéltár XI. 1424 (Magyar Országos Levéltár kiadványai, II. Forráskiadványok 49. Budapest, 2008)
1424
1424. március 21. 149 331 Márc. 21. Nota, quod anno Domini MmoCCCCraoXX quarto, feria tertia proxima, I in fes]to Beati Benedicti abbatis nobilis domina Clara vocata, relicta scilicet condam magistri Petri Zekel dicti de Derenchen licet egra in corpore, sed tamen sana in mente coram viris religiosis Deo iugiter famulantibus tam in presentia fratris Blasii, quam ad auditum fratris Bricti, prioris videlicet fratrum heremitarum de Zerdahel et coram quamplurimorum ydoneorum nobilium et proborum virorum, ymmo in presentia specialis confessoris sui, predicti fratris Blasii heremite, idem domina Clara tale testamentum fecit ore proprio suo declarando, quod primo et principaliter sepulturam corporis sui elegit in ecclesia Beati regis Ladislai, attamen ante corpus suum deducendum unum equum pey coloris1, et duos boves ac unum ciphum argenteum deauratum scilicet rotondum et etiam segetes, blados videlicet ante molendinum eorundem fratrum heremitarum existentes2 predicta domina legavit eidem eclesie Beati regis Ladislai pro salute anime sue. Item palium suum et strangula, potiora vestamenta sua commisit ad aram offerre, sed prior eundem palium et strangulam X florenis redimendo nove monete, eundem palium legavit Margarethe puelle sue, strangulam vero legavit domine Affre relicte Ladislai. Item maiorem et meliorem scrineum nostrum et unam ladulam nostram meliorem ac unum pulvinar magnum et etiam secundum pulvinar, quod iacet circa caput, et etiam quatuor lintiami(n)a legavit eidem Margarethe puelle sue. Item unum ciphum parvum argenteum ac unum cuccliar similiter argenteum legavit eidem domine Affre et unam scropham meliorem similiter legavit ipsi Affre. Item Bartholomeo familiari suo legavit unum equum kyck coloris ac ducentos novos denarios. Item pro recuperatione parochionalis ecclesie sue de Zeredahel legavit duos boves et unum vas vini. Item Benedicto plebano eiusdem ecclesie legavit unum lardum et ducentos novos. Item Valentino clerico legavit pelicium suum magnum et centum novos. Item pro recuperatione ecclesie de Zenthmiclous legavit unam bonam vaccam ac unam scropham et duos cubulos de tritico ac centum novos. Item aliam novam strangulam et unam vaccam legavit Blasio litterato. Item scrutum pelicium suum et unum sindonem novum legavit consorti Blasii litterati. Item relicte Anthoni legavit unam vaccam ac unam scropham et duos cubulos de tritico. Item magister Petrus de Cheke tenetur nobis X florenis nove monete et illos X florenos recipiendo ab eodem magistro Petro dominus et frater noster magister Emericus expendat ad celebrationem missarum pro salute anime nostre. Item dominus frater Thomas abbas Simgyensis tenetur nobis XII florenis nove monete et illos XII florenos rehabendo ab eodem abbate frater noster idem dominus Emericus unacum priore de eisdem XII florenis VIII florenos commisimus dare eidem priori. Item duos centenarios legavit pro recuperatione ecclesie Sancti Luce. Item ex eisdem centum novos legavit eidem Blasyo litterato. Item similiter ex eisdem centum novos legavit parvo Iohanni. Item pro parva Margaretha legavit veteram strangulam suam ac unum sindonem de apeto factum et unum cuccliar argenteum. Item duos ciphos argenteos legavit domino Emerico fratri suo ac domine consorti eiusdem. Item unum ciphum argenteum, quod dicitur vulgariter surluck, legavit domino Georgio puero germani suo. Item agnus Dei, in quo continentur reliquie argentee, legavit domine Margarethe consorti domini Stephani de Bochka. Item scrinium, in quo continentur diverse reliquie, legavit eidem domino Emerico fratri suo carissimo. Item cum nobili domina, relicta scilicet Martini bani
