Franciscus Dőry: Decreta Regni Hungariae : Gesetze und Verordnungen Ungarns 1301–1457 (Magyar Országos Levéltár kiadványai, II. Forráskiadványok 11. Budapest, 1976)
Decreta
que omni diiatione ulteriori ipsa causa dante iustitia finaliter debeat terminari et nullatenus ulterius debeat prorogari. Quicunque autem prefatum comitem camere nostre ordine iudiciario in causam attraxerit, sepedictus magister tawarnicorum nostrorum ex parte ipsius querelantibus iustitiam faciet auctoritate nostra mediante. XI. Ferramenta autem formalia sub inclusione sigillorum ipsorum hominum domini archiepiscopi et magistri tawarnicorum nostrorum in locis consuetis conserventur et eisdem presentibus ipsi denarii nostri triformes cudantur et formentur. XII. Hoc etiam duximus statuendum, ut de rebus et bonis quibuslibet ipsius camere nostre per officiales eiusdem ubicunque deferendis in terra et in aquis nulluni tributum exigatur. XIII. Preterea de qualibet marca unum pondus ratione conservationis ferramentorum homini eiusdem domini archiepiscopi assignetur. Quolibet vero die operis camere nostre singulos dimidios fertones similiter eidem magistro tawarnicorum nostrorum vel homini suo preter sumpmam conventionis nostre regalis persoivat. XIV. Item aule nostre vicecancellario singuli comites camerarum nostrarum redditus et proventus ab antiquo consuetos eidem plene dare et solvere teneantur. XV. Hoc adiecto, quod iniurias et dampna, que officialibus camerarum nostrorum per quospiam irrogata fuerint, prefatus magister tawarnicorum nostrorum prosequi et emendare teneatur. XVI. De falsariis autem et eorum fautoribus antiquam consuetudinem regni nostri volumus observari. XVII. Hec etiam addicimus, ut nullus hominum cum comite camere nostre aliquod pactum cum aliis monetis vel denariis antiquis, preterquam cum ipsis nostris novis facere presumpmat 8 . Nam si qui contra hanc nostram ordinationem procedentes reperti fuerint et cum eodem comite camere nostre pactum huic nostre ordinationi contrarium fecerint, si homines fuerint possessionati, possessionibus ipsorum privabimus velut b contumaces. Si vero idem comes camere nostre contra hanc ordinationem processerit, extunc eundem vindicta capitalis sententie puniri faciemus. XVIII. Solvet autem nobis idem comes camere nostre dictam sumpmam pecunie in tribus terminis infrascriptis, videlicet ducentas marcas in festo beati Jacobi apostoli et iterum tantum in festo beati Martini confessoris, residuas vero ducentas marcas in dominica Circumdederunt, 1 in terminis scilicet proxime affuturis sese invicem subsequentibus simulcum decimis archyepiscopalibus nobis solvere tenebitur. Duppli penam incurret, si aliquem terminorum obmiserit in solvendo. Decimas autem archyepiscopales in eisdem terminis solutionum eidem domino archyepiscopo solvere tenebitur. XVII. a Litt, presumpmant b Litt, velud XVIII. 1 25. Juli 1335, II. Nov. 1335, 28. Jan. 1336.
