Franciscus Dőry: Decreta Regni Hungariae : Gesetze und Verordnungen Ungarns 1301–1457 (Magyar Országos Levéltár kiadványai, II. Forráskiadványok 11. Budapest, 1976)
Decreta
IV. Item in omnibus premissis ubicunque illatores dampnorum et facinorum predictorum per passos iniuriam et dampnum eo, quod tales forte impossessionati vel ignoti, aut nimis remoti extiterint, ad evocandum inveniri non possent, sufficiat huiusmodi evocationem fieri circa habitationem baronis vel domini eorum, sub cuius nomine et banderio in huiusmodi exercitu procedebant, et idem dominus evocationem eandem ad notitiam suorum famulorum deducat. V. Item si aliquis ex baronibus extiterit presens cum suis gentibus in exercitu et eidem contra suos familiäres de aliquo dampno illato conquestum fuerit, de quo satisfacere non curaverit, extunc de eis dampnificati eorum dampna super ipsum baronem satisfacere non curantem requirendi et recuperandi habeant facultatem. VI. Item exercituantes tempore estivo et alio, quo in campo stare possunt, teneant campestres descensus; gramina tarnen atque ligna silvatica ignibus apta, similiter tempore iemali hospitia, sive iidem multi, sive pauci procedant, eisdem prohiberi et denegari non debent, et in istis exercituantes predicti a nemine debeant inquietari impediri atque molestari. Casu autem, quo in aliquo locorum gramina pastui iumentorum exercituantium necessaria non invenirentur, sed tantummodo prata et fenilia ad domos rusticorum reservata et custodita, tunc in illis iumenta exercituantium depasci possent et enutriri, antequam forent falcata et simul congregata. Postquam autem falcata fuerint, non recipiantur vi neque gratis, sed nisi pecunia condigna valoris eiusdem. VII. Preterea pro avena vel ordeo aut siligine tempore caristie pro cubulo Budensi solvantur denarii triginta unus, tempore autem fertilitatis solvantur viginti quinque. Item pro feno pro uno equo per diem unum et noctem solvatur unus [denariujs, et non tarnen substernatur fenum, sed quantum equo petitur, tantum detur. Item pro pane, quantum potest conpetere et sufficere duabus personis pro uno prandio, solvatur denarius unus. Item a ante adventum exercituantium communiter tabernarii b Item pro anca una solvantur denarii quinque. Item pro pullo antiquo solvantur denarii tres, pro iuveni duo. Pro porce[llo soljvantur denarii quinque et demum pro agnello solvantur denarii octo. Item pisces, legumina, carnes mactate, caseum, butirum et similia, de quibus non potest haberi ratio singularis, emantur et solvantur pretio competenti, considerata tarnen temporis et loci qualitate. Item ova pro denario octo. Item si qui voluerint emere boves, porcos maiores, lardos, non emant aliter, quam cum bona voluntate vendentis et solvant secundum quod poterunt de pretio concordare. VIII. Item videtur, quod in omnibus locis, in quibus sal regium potest sufficienter haberi, sit prohibitum vendi vel emi sal extraneum. Si quis contra fecerit, venditor prima vice repertus per camerarium regium toto sale privetur, secundo vero sale simul cum curru et animalibus ipsum currum vehentibus destituatur 3 ; VII. a Hiatus circiter 12 litterarum b Hiatus circiter 14 litterarum VIII. a Litt, destituantur
