Varga Endre: Úriszék XVI–XVII. századi perszövegek (Magyar Országos Levéltár kiadványai, II. Forráskiadványok 5. Budapest, 1958)
ÉSZAKKELETI ORSZÁGRÉSZ
Prima causa contra et adversus Íncolas possessionis Csarno, in hoc comitatu Saarossiensi existentis et habitae, subditos nimirum celsissimi domini magistratus uti A, utpote contra illos, qui in cathalogo coram iudicio sunt producti, per legitimum procuratorem eiusdem celsissimi domini magistratus et A egregium Matthiam Damiani, cum nostris veluti contra I. Qui nescitur unde moti et qua temeritatis audacia ad id inducti, contra specialem prohibitionem domini terrestris eorundem insurgentes, eandem vüipendendo certam siluam, nomine Kohut nuncupatam in monte eiusdem nominis Kohut, in territorio possessionis praetitulatae Csarno, violenter in annis non ita pridem praeteritis iteratis vicibus succiderunt. Quae silva prohibita erat tum iisdem I, quam et aliis sub poena seu birsagio fl. XII. Eandem praecitati I succidendo in nihilum converterunt in praeiudicium et grave damnum domini terrestris. Quare propter hoc vilipendium prohibitionis procurator celsissimi domini magistratus petit eosdem seorsive et singillatim in eodem birsagio per fl. XII, propter vero violentam succisionem et devastationem silvae iuxta Operis Tripartiti partis 3tiae titulum 33. 2 in homagiis eorundem, nisi forsitan aliqui ipsorum habuissent ab officialibus specialem concessum pro necessitate aedificiorum, talibus exmissis, reliquos vero petit ut supra convictos pronuntiari. I personaliter astantes aliqui negant simpliciter actum, alii autem qualificant se coactos fuisse pro aedificio ex eadem silva arbores nonnullas succidere, alii demum asseverant habuisse desuper bcentiam a domino provisore. Deliberatum est. Exquo manifeste eliceretur nonnullos ex iisdem incolis praefatae possessionis Csarno contra edictum domini sui terrestris, suae celsitudinis principalis, dictam silvam prohibititiam Kohut nominatam nutu spontaneo praeconceptaque malitia violenter invasisse eandemque notabili cum damno succidisse in manifestum damnum derogamenque dicti sui domini terrestris. Ex eo tamquam contumaces prohibitionis sui domini terrestris singuli eorum, qui in praefata violenta succisione praesentes fuerunt, in singulis florenis duodecim, praeterea communitas eorundem violentorum in quadraginta itidem florenis, domino terrestri pendendis convicti et aggravati pronuntiantur. Exceptis nihilominus iis, qui vel commissionem a domino provisore desuper aliquam habuerunt, vel vero in eadem violenta succisione praesentes non fuerunt, qui propria dumtaxat in persona iuramento tenebuntur semet expurgare. Uo. 610—612. I. 2 Az idézett cím szerint a tiltott erdőpusztításon ért jobbágy minden nála talált ingóságát elveszíti, ezen kívül vérdíján is elmarasztalandó.
