Mályusz Elemér szerk.: Magyar protestáns egyháztörténeti adattár. XV. Budapest 1934.
A Thurzó-levéltár egyháztörténeti iratai 1-265.
gloriaque nominis divini passa fuerit, non commissun facile aliquid, quo lupi supra nos bibentes offendantur, Universum, quidquid illud est, Jesu Christo navarchae et gubernatori naviculae suae et piis pro veritateque relantibus magistratibus et patronis relinquentes. Christus viderit, ubi turturi suo nidulos, etiam in hac decrepita mundi canitie, sit fixurus, qualiave halcyonia largiturus. Ponimus in silentio et fortitudine spes nostras. Pars enim nostra Dominus est, dixit anima nostra, propterea expectabimus eum. Novimus, quam bonus est Dominus spectantibus in eum, animae quaerenti illum. Bonum etiam est praestolari cum silentio salutare Dei, ut cum viro Dei Hieremia loquamur. Quid, inquam, nobiscum et cum at a tumnose calamitosa patria nostra Hungária sit porro futurum, ille Dominator dominus viderit, qui etiam orandus est, ut brachio illo suo excelso increpet feram arundinis, congregationem taurorum conculcantium propter beneplacitum argenti, utque dissipet gentes, quae bella volunt. Haec, qualiacunque tandem ista occasione spectabili M-tiae V-ae in pium sinum effundere volui (tanto nempe confidentius, quanto certius scio, eandem serio dolere super contritione Joseph, nec obiter, sed cum lacrimosis gemitibus ea audire, quae Tiunc palam circumferuntur, de miserabili persecutione florentissimarum Jesu Christi ecclesiarum), ut, quod hic nobiscum fiat, intelligat, ut sanctas suas preces more solito, cum nostris coniungat, ut denique, si qua potest ratione, et secum privativis et cum aliis vicinis orthodoxis dominis amicis suis, proceribus et baronibus, domi forisque praesertim hisce comitiis 6 ineat fausta consilia et rationes, quomodo hostium tarn manifesti sanguinariique conatus sapienter reprimi et pax ecclesiarum moderatis consiliis redimi possit. Atque etiam huc aeternus ille et immortalis princeps seculorum invisibilis, solus sapiens Deus vocandus et invocandus. Huc scuta terrae, huc pii magistratus omnia sua consilia unice conferre debent. Hoc si fecerint, osculabuntur filium. Nec dubium est, quin etiam in his tristissimis motibus et mutationibus concessurus sit gubernationem tranquillam et salutarem, quin induet inimicos ecclesiae confusione, qua turpiter confusi convertantur retrorsum omnes, qui mala volunt populo pascuae eius. Haec, inquam, sive dolore privato superatus ob calamitates ecclesiae, sive ita iubente benevolentia spectabilis M-tiae V-ae, verbosius certe, quam voluissem, scribere volui, qua in re, si quid praeter decorum commisi (ut quidem saucius aegerque animus errare potest Semper) — propter Christum mihi ignosci peto. Ut enim hac ratione delinquendo lubenter dolori privato indulgeo, ita apud tarn pium et benignum patronum pro hac culpa supplicem me deprecatorem profiteri nihil erubesco. 0 Az 1604.-Í pozsonyi országgyűlést február 3.-ára hívták össze.
