Zsinka Ferenc szerk.: Magyar protestáns egyháztörténeti adattár. XII. Budapest 1928.
Miskolczi Csulyak István esperesi naplója és leveleskönyve
Currentes literae pro generali synodo aestivali Ke* reszturinum ad Bodrogum convocanda ad XX. Junii diem, Gratiam Dei Patris, Filii Dei amorem et Spiritus Sancti sanctificationem precatus, sincerissimam animi mei promptitudinem, demerentibus ita studiis vestris polliceor. Reverendi et Clarissimi in Christo symministri, quam vere a veteribus dictum fuerit, hominem cogitare quidem, sed Deum cogitata disponere, meopte comprobatum ibo exemplo. Dum enim hybernam synodum in medio hyemis curriculo celebrare intendő, ut ex sinuoso Mesopotamiae quoque meditullio liber ad eam esset accessus, en cogitationem meam disposiiio divina objectis domesticis simul et exteris, iisque non levibus obicibus, ad ipsum aestatis primordium protraxit. Cujus ego decreto tantum abest ut contraire ausim, quin potius ei subscribam. Quare generalem indico synodum ad Bodrogkeresztur, die XX. Junii habendam. Ad quam ego universos et singulos jurisdictioni meae subjectos Reverendos ecclesiarum pastores, Clarissimos et Ornatissimos scholarum moderatores fraterne invito et adesse, authoritate qua per eosdem fungor publica, jubeo. Deum interea precabor, vobis vires ad comparendum sufficientes, mentemque ad tranquille conferendum idoneam largiatur. In quo finio et vos vestrosque felicissime Deo et Ecclesiae ejus commodo longum valere desidero. Dabam Liscae XXI. Maji 1635. 8. Materia futurae disputationis erit de libero arbitrio. 1. Liberum arbitrium est facultas eligendi aut repudiandi objectum ab intellectu monstratur, sine coactione, proprio motu et aptitudine ad alterutrum. 2. Solus Deus habet liberum arbitrium ab omni dependentia liberum. 3. Angelorum, daemonum et hominum arbitrium ita est liberum, ut tarnen divinae directioni subjaceat. 4. Ante lapsum homo liber erat indeterminate ad bene et ad male agendum. 5. Post lapsum liber est determinate ad malum. 6. Regenerato libertás redditur indeterminate ad bonum et ad malum. 7. Post glorificationem liber erit determinate ad bonum tantum.
