Zsinka Ferenc szerk.: Magyar protestáns egyháztörténeti adattár. XII. Budapest 1928.
1.-90. Oklevelek a reformáció első századából
torio termino moniüone canonica assignamus, a participatione praedicta non destiterint, illos omnes et singulos propter eorum contemptum et contumaciam,, dicta canonica monitione praemissa exnunc prout extunc, et extunc prout exnunc, consimili excommunicationis sententia innodamus in his scriptis, et quemlibet ipsorum incurrere volumus, ipso facto, et extunc in praedictis vestris et cuiuslibet vestrum ecclesiis dum ibidem ad divina audienda maior populi convenerit multitudo, infra missarum solennia singulis diebus dominicis aut aliis festis pulsatis campanis, candelis accensis, ac iterum extinctis ac in Signum maledictionis aeternae in terram proiectis publice et in ambone excommunicatos fore denuncietis, seu faciatis denunciari, tamdiu donec et quousque ecclesiae et nostris venerint parere mandatis. Vosque a nobis, vel superiori nostro aliud habueritis in mandatis. Cum autem vos domini supradicti in vestris ecclesiis divina celebrabitis officia, dictusque nobilis Wolffgangus Deseo excommunicatus, aggravatus, et reaggravatus sive participantes cum eo excommunicati, a[ut] eorum aliquis convenerint ibidem ad ipsa divina officia audienda, ipsos et eorum quemlibet de ipsis ecclesiis vestris expellatis, quod si commode facere non possetis ut juris est, a divinis cessetis. Causam cessationis huiusmodi fideli plebi exponendo. Nos vero exnunc prout extunc, et extunc prout exnunc, per modum reaggravationis huiusmodi civitates, castra, oppida, villás et quaecuncque alia loca, ubi idem nobilus Wolffgangus Desew, excommunicatus, aggravatus et reaggravatus moram traxerit, seu declinaverit, dicta canonica monitione praemissa in his scriptis subjicimus firmissimo ecclesiastico interdicto, ita quod in eisdem ipso nobili Wolffgango Desew excommunicato, aggravato et reaggravato praesente, et post ipsius recessum per triduum in ibi nulla divina officia peragentur, nec mortuis illic decedentibus ecclesiastica concedatur sepultura, medio tempore autem iníirmis valetudinariis ac aliis poenitentibus confessionis sacramenta, baptismaque parvulorum nullatenus denegentur. Certificando nihilominus eundem nobilem Wolffgangum Deseo aggravatum et reaggravatum, quod si in huiusmodi sententiis, animo (quod deus avertat) indurato, pertinaci et rebelli per triginta dies perstiterit, extunc ad invocationem brachii secularis contra eum procedemus. Ut autem omnia et singula praemissa, ad singulorum notitiam evidentius deducantur, vobis omnibus et singulis dominis supradictis et cuilibet
