Zsinka Ferenc szerk.: Magyar protestáns egyháztörténeti adattár. XI. Budapest 1927.
Oklevelek a reformáció első századából
Boerrie etc. rex etc. Reverendissimo in Christo patri, domino Nicolao Olaho, archiepiscopo ecclesie Strigoniensis, locique eiusdem comiti perpetuo primati, Hungarie legato nato, summo et secretario cancellario nostro etc. Fideli nobis sincere dilecto salutem et graciam. Ex querelis universorum subditorum, et colonorum, ad preposituram maiorem et minorem, et capitulum ecclesie Albe Regalis pertinencium, in comitatibus Simigiensi, Tholnensi et aliis ubiuis existencium intelleximus, ipsos gravissimas pati afflictiones, damna et oppressiones, eum ab aliis nostris fidelibus subditis, tum vero precipue a quibusdam peditibus et Haydonibus, qui sub tutela nonnullorum fidelium nostrorum degentes, excurrerent et in ipsos aliosque illos, iugo Thurcico subiectos, intollerabilibus exaccionibus depredacionibus ac exquisitis tormentorum generibus ipsomet hoste crudelius grassarentur ; unde fieret, ut ab hoste, cui subiecti sunt, et a subditis nostris gravius afflicti et oppressi, miseram ducerent vitam, nec quo se vértant, haberent. Quoniam autem eiusmodi misere plebis'afflicciones, nonnisi moleste ferre sumus : Eosdem subditos et colonos, dictarum prepositurarum, et capituli ecclesie Albensis universos, in nostram recepimus proteccionem et tutelam specialem, viceque et in persona nostra, vestre duximus committendos defensioni. Unde fidelitati uestre harum serie committimus et mandamus, ut a modo imposterum, dictos subditos et colonos ecclesie Albensis, ad manus vestras recipére, et occupari facere, ac eosdem in personis, bonis et rebus eorum quibusvis iustis et legittimis, contra quoslibet illegitimos, ac violentos impetitores, turbatores, predones et damnificatores, nostra in persona tueri, protegere et defendere ac protegi, et defendi facere debeatis. Authoritate nostra nobis hac in parte presentibus attributa et concessa, iureque et iusticia mediante. Secus non facturi, presentibus perlectis, exhibenti restitutis. Datum Vienne, decima septima die Mensis maii, anno domini millesimo quingentesimo quinquagesimo octavo. Ferdinandus.Joannes Listhius. Papir oklevél, papírba nyomott királyi pecséttel. Nemzeti Múzeum levéltára. Törzsanyag. e
