Zsinka Ferenc szerk.: Magyar protestáns egyháztörténeti adattár. XI. Budapest 1927.
94. sz. Miskolczi Csulyak István Diarium-ából. - 1. Miskolczi Csulyak István önéletrajza
rare visa est. Nam in absentia mea, si quispiam noviter supervenit, ipsi incognitus, non assedit una cum eo mensae sed sese proxime ad januam domus applicuit ; sique eum semel ad hauriendum vinum invitaverit, postea penitus conticuit, neque aliquem ad colloquendum provocavit. Diligens fuit in suo munere, fidelis domus custos, panes pinsere, cibum parare, acu pingere, vestes concinnare, sarcire. culinam curare, ertolagana facere ita docta tuit, quasi non in pago educata, sed in metropoli alta fuisset. Ingenium habuit docile, erat philomathis, tenax suarum rerum non prodiga, mariti cultrix, officiosa, pia, proba, dapsilis etc. Anno 1612. 3. Januarii Magnificus heros Ludovicus Rakoczi in aedibus Zomborianis ultimum vitae suae.diem clausit, cui parentavi in templo Szerencinensi 29. Febr. cum superiori mense Juditha conjunx iterum graviter aegrotasset, quam post multos dolores 8. Februarii sanandi gratia Miscolcinum ablegavi ; cum antea 31. Januarii literas a praetore, civibusque Miscolcinensibus invitatorias acceperam. Quare 19. Febr. Szerencinensibus publice valedixi, post quam pastoralis mei tyrocinii triennium inter auditores Orthodoxos et Pontificios exegi, et primam contionem 21. Februarii in templo Miscolcinensi institui, tuncque meam ipsis operam addixi, et 2. Martii cum omnibus reculis eo appellens, die septimo Martii majális Moldvensis, quem ex annuo Szerencinensi salario acceperam, eundem cum leniter contrectare voluissem, manum dextram infra anularem digitum hora 6 vespertina sauciavit : unde ominatus sum, gravem a domesticis meis in illa functione injuriam accepturum. Nec fefellit omen : hic enim habui diaconum Petrum Gönczi, hominem antea barbitonsorem, qui cum scandalose viveret, nec propterea in eadem mecum ecclesia pati vellem, plebem scandalizavit, et contra me quosdam armavit. Habuit ille ex ordine nostro nonnullos conditionis meae aut invidos aut aemulos, qui autores Petro fuerunt, ut mecum jure contenderet : ideoque a dominó seniore Thoma Nagy Thaljai, ecclesiensis Szixoviensis pastore contra me citatorias accepit, ut jure mecum ageret in generali Szendrőviensi. Pupugit me factum hominis ineptum, meque contra se in mea causa armavit : verum cum tacitus animadvertisset vel ex comitibus, quos una mecum ad synodum tuleram se caussa casurum, 24. Maji in eadem synodo, antequam verbum adversum me dixisset in publico consessu se mecum in gratiam rediturum esse promisit, et ita