Pokoly József szerk.: Magyar protestáns egyháztörténeti adattár. X. Budapest 1911.

III. Dr.Liffort Károly genfi polgár segélygyűjtő útja Erdélyben és Magyarországon.

avoir faict le compte de la collecte faite en Allemagne et Transsylvanie par ledit No

e Liffort suyvant la Charge k luy donnée par noz trés-honorés Seigneurs, y compris le dernier voyage qu'il a faict pour ce regard á Francfort á la derniere foyre de Francfort. Estans au préalable les talers de l'Empire, philippetalers, florins de Hongrie, florins d'Allemagne et ducatz de Hongrie réduictz ä monnoye courante d'icy, totes lesquelles receues reviennent ä la somme de sept mille neuf céns soixante et neuf florins, six sols. Sont compris les 400 florins qu'il receut du Sr Barrillet pour faire son voyage; item les douze talers par ledit No. Liffort empromptés du sire Antoine Gerbel et les 35 escus qu'il a receu des Srs Maliiét et du Pan pour aller á la derniere foyre de Francfort oű il prétendoit recouvrer quelques deniers pour la Seigneurie. De laquelle susdite somme, ledit No

e Liffort en tient compte comme s'ensuit. Et premiérement de 300 ducatz de Hongrie receus par Mr le syndique Maliiét, valans 3000 florins. Item de dix talers de Transylvanie, valans 72 florins 6 sols. Plus de 180 écus soleil pour les 300 talers mandés par lettre de change par la voye de Breslau, valans 1665 florins. Item de 25 escus pistoletz pour la vente d'ung cheval gris pomellé qu'il a ámené de ceste ville, vallans 218 florins 9 sols. Le tout receu par ledit Sr Syndique Maliiét revenant á la somme de 4956 florins, 3 sols. Et pour complément des sommes par luy receues couché pour sa despense de bouche et de cellé de No

e Jean Liffort qui luy a faict compagnie 250 escus en 426 jours qu'ils ont esté dehors, y compris quinze talers pour les habitz dudit Sr Charles Liffort et 9 talers dheus par cédule par No

e Jean Liffort son neveu. Item pour son dernier voyage fait k Francfort 35 escus soleil pour ses despends, plus 20 escus soleil de perte sus le change des 300 talers de Breslau, revenant les trois susdites parties ä la somme de 2821 florins 3 sols. Item ledis No

e Liffort se rend débiteur de 30 talers d'empire valans 200 florins pour le prix d'ung poullain qu'il a ámené et retenu pour son service. Revenant le tout, tant ce qu'il a faict livrer ä la seigneurie que les despends par luy faictz et tare des monnoyes ä la somme de 7977 florins 6 sols, et pour les peines et vacations dudit. No

e Charles Liffort de 426 jours du premier voyage et de 43 jours du second les Seigneurs de la Chambre luy ont alloué 750 florins, sauf le bon vouloir de noz trés-honorés Seigneurs

; sus quoy fault déduire les 200 florins qu'il doibt pour le poullain qu'il retient, reste qu'il luy sera dheu 550 florins, de laquelle somme luy soit fait mandement.