Pokoly József szerk.: Magyar protestáns egyháztörténeti adattár. IX. Budapest 1910.
II. Adatok a dunántúli reform, egyházkerület történetéhez.
De Michaele Némethi. Michael Némethi, pastor Fölpéczensis, qui ob enormes excessus in superiori synodo Papensi ab officio fuerat suspensus, in hac synodo reconciliato sibi presbyterio, gratiani obtinuit, inque ecclesiam Aszáriensem ministro destitutam commigrare iussus est. De causa Generosi Joanni Pataki contra pastorem ecclesiae ad Sanctum Laurentium. Inter Generosum Joannem Pataki pontificium, acerrimum veritatis evangelicae hostem, et fere ornnium ministrorum, qui eius tempore eam ecclesiam texerunt, adversarium implacabilem, qui curiam nobilitarem in vicinio domus parochialis habet, et inter pastorem Basilium Maráczi; nec non etiam Stephanum Váczi qui tum temporis ecclesiam Vépensem regebat, quidem tumultus contentiones rixae et etiam Bombardarum contra se mutuo explosiones intercesserant: ita ut vulgus etiam sonitu campanae signo edito excitatum in locum tumultus istius accurrerit. Patakius ille rem, supplicibus in literis acrium, sed maiori ex parte iniustarum querimoniarum, et accusationum, plenis ad Illustrissimum palatinum dominum Nicolaum Esterhas de Galantha detulerat, sinistre eum super hac re informando. Illustrissimus dominus palatinus ex officio prudenter causam istam iure discutiendiam Venerabili Superintendent! dominó Stephano Pathay ut iudici pastori competenti imperiose, et minis etiam adiectis commisit, ut termino competenti partibus praefixo de eoque actore certificato, partium coutendentium a legatis, exauditis iuridice et conscientiose, negotium hoc in suo consistorio spirituali decideret: ipsosque pastores excessuum ipsis per dictum Patakium intentatorem sufficienter convictos impunitos non relinqueret: alioquin se contra pastores illos iam dictos ex authoritate sua palatinali brachio et animadversione seculari usurum. Hoc mandato palatinali Venerabilis dominus superintendens motus synodum in facie loci eiusdem ubi hoc factum commissum fuit, 24. Junii celebrandum indixit. Quo com ministri, de more convenissent, inque templo consedissent, absente tunc apudque palatinum existente Patakio, coniugem eius dominam Susannam Pető presbyterium per legatos commonefecit, ut loco et in persona mariti pastores dictos coram presbyterio accusatura, compareret: alioquin, actore non comparente, rei simpliciter absolverentur.
