Pokoly József szerk.: Magyar protestáns egyháztörténeti adattár. VIII. Budapest 1910.

I. Adatok a dunántúli ref. egyházkerület történetéhez.

n tuendam suscipit, talis minister cum suo adversario, sine senioris scitu, convenire non debet. XI. De domino Andrea Budaeo. Ad Tapenses, de statu domini Andreáé Budei per tres fratres Sagiensem, Szent Miklosiensem, Orsiensem literae a domino Superintendente mittendae. XII. De Davide Feli. Dávid Feli minister Szent Miklosiensis propter violationem decimi octavi canonis, officio privatur a 1. Julii usque ad 1. Septembris. XIII. De publicis precibus in ecclesia instituendis. Quilibet pastor, pro ratione ecclesiae suae, circumstantiis bene pensitatis, pro patriae, et principis salute religionisque nostrae Christianae conservatione, preces publicas instituat et conciones dominicales publicis huiusmodi precibus claudere studeat. XIV. De Benedicto Herczegh. Benedictus Herczegh ecclesiae Kupiensis minister, qui reditum ecclesiasticum ab antiquo ministris ordinatum diminuit. et suo solummodo commodo cum damno et derogamine succedentium consuleret, officio privatur a 1. Julii ad 1. Octobris. XV. De Joanne Debrecino. . Joannes Debrecinus, eo quod personas impares contra inhibitionem domini Superintendentis copulaverat, ab officio intra spatium quinque mensium suspensus, in hac synodo, praemissa humili totius coetus depraecatione solenniter pristino gradui est restitutus. XVI. De sacro ministerio inauguratis. Sacro ministerio inaugurati sunt: Stephanus Sokoruinus in ecclesiam Dudariensem. Gregorius Papa Halaszinus in ecclesiam Aszariensem. Georgius Endredinus in ecclesiam Ősiensem, in Comitatu Simigiensi. Michael Nemes in ecclesiam Thetiensem, in Comitatu Jauriensi. XVII. De Georgio Endredino. Georgius Endredinus Osiensis, tempore censurae morum, delatus est, vino esse aliquanto meracius indulgere solitus.