Pokoly József szerk.: Magyar protestáns egyháztörténeti adattár. VIII. Budapest 1910.

I. Adatok a dunántúli ref. egyházkerület történetéhez.

Epistola invitatoria. Salutem in Christo Jesu salutis authore precatur, seque totum, debita animi propensione offert. Infoelix hac in parte conditio nostra, quod ab invicem dissiti. de rebus etiam maximé necessariis vel saltem literarum beneficio colloqui, non licet, ante fere duas septimanas, de re hac volui clarissimas dominationes vestras requirere, sed nulla se se obtulit occasio, studiosis autem, propter tristem scholae nostrae eversionem, destituimur, quorum opere in re tam sancta, ac seria uti possemus. Notum est vobis, viri clarissimi, venerabilem virum dominum Petrum Czene, superintendentem nostrum vigilantissimum, promovendae religionis ardore praestantissimum, ex hax lachrymarum valle ad ecclesiae triumphantis consortium feliciter evocatum, cuius inopinatus decessus, ipsi quidem non solum gloriosus, verum etiam honorificus extitit, eo siquidem die, quo nos omnes et singulos nomine synodi convocarat, honestissime in praesentia octuaginta duorum ecclesiae ministrorum, ac frequenti túrba omnium ordinum, tam militarium, quam mechanicorum tumulatus est, nobis tarnen lachrymabilis et valde luctuosus extitit. Eius loco die sequenti duo per suffragia electi sunt, clarissimus dominus Daniel Nemesnépi, et reverendus dominus Johannes Sainaraeus. Ex praenotatis his personis alterutrum, ad sacro sanctum, sed laboriosum munus episcopale assumere et suo modo consecrare gessit animus; res autem haec moram longiorem minimé patitur. Sicut enim sal (teste Hieronymo) omnem cibum condit, nec est alioquid tarn exquisite confectum, quod absque eo, gustum svavem reddat: ita communitatis nostrae condimentum consecratus episcopus erit, qui cum ofíicii sui authoritate, tum morum •suorum condigna gravitate, ministerium nostrum condiet, ac demulcebit. Cum itaque publice tandem mihi demandata sit synodum convocandi provincia, emisi convocatorias ad 14. Septembris, quo die frequentes aderunt nostri contubernii ministri. Oro itaque dominatiores vestras clarissimas, ut ad diem illum uterque adesse velint, quo magis vestrarum clarissimarum praesentia ac manus impositione institutum nostrum reddatur clarius, et finem sortiatur foeliciorem. Haec erant breiter vestris clarissimis, nomine omnium sympraesbyterorum significanda. In reliquo easdem prospere valere percupio una, cum familiis vestris, vobis charissimis. Dabam Comarini 21. Die Augusti 1622. Vester in domino conservus Jacobus Ag Mágyarinué.