Thury Etele szerk.: Magyar protestáns egyháztörténeti adattár. VII. Budapest 1908.
XXXIII. 1617 május 1-én Köveskuton tartott zsinatra, vitatkozásra hívja Pathay az ubiquitarius Zvonarits Mihály sárvári lelkészt. Ennek előzményei.
nostri superintendentes: Venerabilis dominus Stephanus Pathay y et clarissimus dominus Petrus Tsene Szempcsinus, ex eollegis et comitibus nostris elegerunt, quos legatos Sárvárinum intro mitterent, ad Michäelem Zvonaricium antagonistam, ut ipsum (ex superabundanti) verbis ipsorum honeste salutatum, vocarent in synodum; ne se, multis vicibus vocatum esse unquam et usquam negare, suaeque absentiae velum aliquod excusationis iure praetexere possit. Legati isti fuerunt: Dominus Emericus Regius Pecselius, dominius Paulus Tsegledius, dominius Paulus Seraphynus scholae Papensis rector, dominus Basilius Eörsi, dominus Casparus Jarffas. Hi oppidum ingressi, etiam concioni ipsius Zvonaricii, ex Joan. 16. (Quicquid petieritis patrem in nomine meo, dabit vobis) habitae interfuerunt. Cumque Zvonaricius, pro more suo, religionem nostram, in concione calumniis praegravaret: finita concione, ante fores templi Sárvariáni, legati nostri, calumnias illas, solenni cum protestatione, ipsi Zvonaricio exprobrarunt, in fäciem mascule reiecerunt, quicquid de nostris in suggesto dixisset, per nihil nisi putidas calumnias esse animose demonstraverunt, ipsumque nomine superintendentum nostrorum humaniter rogaverunt, ut iam aliquot vicibus vocatus, synodo nostrae, sequenti die Köveskuthini celebrandae interessé, nosque eorum, quibus in foedis suis ad dominum Tholnaeum literis, et existimationem et religionem nostram incrustavit, convincere si posset, non negligeret. Sed surdo narrata fuit fabula. Qui enim semel verecundiae fines transilit, eum (ut bene ait Cicero) gnaviter oportet esse impudentem. Nos ipso, cum protestatione relicto, ad coenam venimus in oppidum Köveskut, in locum synodo destinatum. ACTA SYNODI KÖVESKUTIENSIS. Primo die maii, qui fuit synodo habendae destinatus, mane, toto ministrorum coetu templum Köveskutiensem ingresso, ibique assistentia spiritus sancti, de more, suppliciter implo rata : Venerabilis superintendens dominus Pathay suggestum conscendit, causasque quibus motus synodum generalem cogere debuerit, ordine, lingva vernacula, frequenti in auditorio percensuit, inter caeteras autem atroces, et truces insignis illius calumniatoris, Michaelis Zvonaricii calumnias, quibus religionem nostram orthodoxam impie foedavit, et foedo impiavit, ex ipsius scripti exemplari, alta voce praelegit; quibus excitus quomodo, et quot ipsum vicibus literis ad superintendentem ipsius Klazekovithium datis, ad colloquium, in praesentem
