Thury Etele szerk.: Magyar protestáns egyháztörténeti adattár. VII. Budapest 1908.
XXXI. Pápa, 1616 jún. 8. 9. A mámai, hídvégi, patonai és kádártai egyházakba kibocsátott lelkészek felavatásáról szóló feljegyzés - XXXII. Szentlőrincz, 1616 nov. 2. Az itt tartott zsinaton a veleméri, keresztúri és polyányi egyházakba kibocsátott lelkészek felavatásáról.
Marlinus Zalay, ordinatus est in ministrum ecclesiae Velemériensis. Michael Rikardy Neuburgensis, ordinatus est in ministrum ecclesiae Kereszturiensis. Basilius Nagy Marátzy, ordinatus est in ministrum ecclesiae Polianiensis. De Andrea Artnero Haresdorfiensi. Andreas Artnerus Haresdorfiensis, qui a pontificiis ad nos convertus abiuravit idololatriam, quam sub regno papae exercuit, secundum iuramentum in Deuter. 27. expressum, hoc modo: Formula abiurationis. Ego Andreas Artnerus etc. Confiteor coram Deo omnipotente, coram ipsius ecclesia quod hactenus in sinu Anthichristi educatus et nutritus, militaverim in castris eius contra iustitiam, meritum passionis, et glóriám Jesu Christi unici mediatoris docendo, defendendo et exercendo humanas inventiones in aquisitione salutis, quod idola, contra ipsius Dei praeceptum fabricata coluerim, et colenda docuerim, quod impie unicum Christi sacrificium saepius iterare conatus sim, missas canendo meritum Christi attenuaverim, quod invocaverim mortuos, verum haec omnia, quae partim ignoranter, partim metu supplicii, partim temere, et contra conscientiam, lucri gratia feci, hodie coram Deo, et sanctissinia ipsius ecclesia audientibus cunctis revoco, abiuro, damno, anatematizo, ac veri Dei vero cultu me hodie in Helvetica Confessione secundum Universum Dei florenti addico, et iuro, per Deum creatorem coeli et terrae, me in tota vita mea permansurum in unitate Helveticae Confessionis, paratusque sum, Deo iuvante, omnia pericula subire penes hanc Confessionem Helveticam scilicet, cui me hodie addico, sic me Deus adiuvet, si vel manifeste, vel clam, solus vel cum aliis diversum sensero, docuero, ab hac vera religione; si declinavero ad dextram vel ad sinistram, veniant super me omnes maledictiones divinae, quas in rebelles filios Izrael missurum Deus promisit per Moisem servum suum. Si transgressus fueris iuramentum hoc, hodie coram Jehova praestitum, veniant super te omnes maledictiones, quibus Deus transgressores praeceptorum, subiectos esse voluit, lepra invadat te, maledictus in domo, in agro in urbe: si defeceris et ad vomitum reversus fueris, si faciem ad idola converteris, percutiat te Jehova phthisi febri, ardore aestu, pesté gladio, et persequatur te furor Jehovae in aeternum. Dicat omnis populus. Amen.
