Thury Etele szerk.: Magyar protestáns egyháztörténeti adattár. VII. Budapest 1908.

XXI. Az 1603. évi murányi zsinat kánonai

2. Adducti ex Ethnicismo ad ecclesiam Christi accendentes non baptisentur, priusque summám Cristianae Doctrinae ex Cathechismo didicerint, et suam fidem in Christum, ipsimet profiteri sciant. 3. Cyganorum liberos, nemi baptiset, nisi certis conditionibus consideratis, nempe si infans intra tuam parochiam natus sit, si páter cyganus recitatione capitum Catechismi probet, se a christianismo, non esse alienum. 4. Formula baptisandi in hac fraternitate sit eadem, et quisque suam formulám, qua utitur certo tempore in synodo exhibeat. 5. Ad fontem baptismi, nullus temulentus pastor, aut compater accedat, polluti manifestis sceleribus, blasphemi periuri, et qui Catechismum discere nolunt arceantur. Admonitio fiat ad susceptores, ut mortuis parentibus baptisati infantis, ipsi in locum eorum succedere dignentur. 6. Si alicuius puer natus fuerit, prater ipse, personaliter, et non obstetrix, aut vetula ab ecclesiae ministro baptismum petat. Similiter et compatres, et commatres ipse páter invitet. Absente, peregre patre id faciat consangvineus. 7. Sedulus pastor saepe auditores suos admoneat, ut ad confessionem, deinde ad sacram synaxin accedant, nec ad ultimum vitae halitum poenitentiam differant, quia Augustinus dicit: Poenitentia sera, raro est vera. 8. In verbis coeni Domini de qua hodie est magna disceptatio, nos tuemur. Simplicem sententiam ipsorum verborum Christi de vera et reali praesentia et exhibitione veri corporis et sangvinis Christi, dignis et indignis, iuxta confessionem Augustanam articulo decimo, atque hic insistimus, hisce firmissimis fundamentis. a) Verbo Christi dicentis: Hoc est corpus meum. b) Eiusdem declaratione, si enim interrogare libet quale corpus ? Ipse Christus explicat: Quod pro vobis traditur. Ergo nequaquam est tibi typicum corpus. c) Consensu trium evangelistarum quorum nullus verba Christi aliter exponit. d) Auctoritate sancti Pauli, qui nec ex tertio coelo, aliam narrationem attulit. e) Plerique ex patribus, si modo scripta eorum recte et integre citentur nobiscum sentiunt. 9. Coenae administratio fiat iuxta institutionem Christi; adhibitis, usitatis elementis pane et vino. Panis avimus non communis nec duplex porrigatur communicanti, quia Christus dixit: accipite.