Stromp László szerk.: Magyar protestáns egyháztörténeti adattár. V. Budapest 1906.

4. Adalékok a felsőmagyarországi ev. egyház történetéhez. Földváry László

rei rationem quidam adferunt eam: aequum esse, ut lex positiva conveniat naturae. Sed compertum esse naturaliter foeminas pubescere anno 12, masculos vero anno 14. De quo Macrobius Lib. 7. Saturnalium. 2°- Jus Canonicum in Capite Puberes, in nuptiis pubertatem non ex annorum numero, sed ex potentia coeundi judicandam statuit. Et quidem ubi malitia — quae in coeundi potentia et discretione conjugalis consensus constitit — aetatem supplent. 3°- Adhuc ubi quoque compertum fuit, masculos ante annum 14 liberos genuisse, et foeminas ante 12 annum peperisse. Cujus aliquot exempla refert Andreas Tiraquell: „de legibus Connubialibus". Parte 6-ta, Num. 37. Kormann in Tract. de Virg. Praemissis addimus, Parentes Zingaros personarum copulatarum, tantopere de copulatione praemissorum liberorum suorum Instantias iterasse, quia animadvertebant malitiam in ipsis supplere aetatem, nec cupiditates reprimi, ac concupiscentias refrenari posse aliter, nisi ineundo matrimonium, nuptiasque contrahendo. Eati satius esse in matrimonio vivere, quam vagas libidines sectari. ac scelere nefario, mortalique peccato se polluere. I. Cor. VII: 2, 9. 4°- Nemo copulatorum exigua fallatur statura, plurimi enim satis breves statura, aetate tarnen matúra reperiuntur. Id colligi potest in sponso, ex promptissima fidium tractatione, quae habilitas in puero minimé daretur. Jam facile mens pia sincera hominis Christiani, ex praemissis coliigere potest, quantum et qualiter supra fatus D. Martinus Zawodszky Pastor Ecclesiae Vörösalmensis, administrando copulam Zingarorum liberis, contra Jus Civile vel Canonicum deliquisset, aut Contra Constitutiones vel Leges Ecclesiasticas sese gessisset. Adeoque nos haec diligentius pensantes, Fratrem nostrum saepius nominatum, pro Authoritate nostra, qua plus, quam a Seculo Contubernium nostrum — sicuti testantur Protocolla — in similibus et majoribus negotiis decidendis utebatur, ceu nullius culpae hoc in passu convictum, ab omni indebita vexatione, citatione et poena absolvimus et declaramus. Actum Anno, Die et loco ut supra. Joannes Terstenszky, ecclesiae in Héthárs 1 Pastor et V. C. Senior. Thomas Benkovicz ecclesiae Schönvisiensis Pastor Ordinarius. Andreas Simonides ecclesiae Krivanensis Pastor Ordinarius. Nicolaus Czabkay Parochus Roskovanensis. 1 Ex hac Hótharsiensi Ecclesia ultimus Minister expulsus est Joannes Ruffini Anno ? hodie apud Dopsenses Parochus et Superintendens.