Stromp László szerk.: Magyar protestáns egyháztörténeti adattár. V. Budapest 1906.

4. Adalékok a felsőmagyarországi ev. egyház történetéhez. Földváry László

Deus, proximus et Magistratus laeditur ac offenditur, ita puniat, ne legi Divinae ac Ecclesiae derogetur, et non solum mulcta pecuniaria — ut in nonnullis locis fit — efficiat, sed curet, ut ab Ecclesia deprecando, Deum sibi reconciliaret, tandem personam laesam contentam reddant, denique etiam Magistratus offensam exolvant. Ut hac de re Concilium Aurelianense Anno a Nato 550, canone 27 celebratum monet. 7°- Si qui designato stupro, aut aliis de caussis copulas petituri, alio profugerint, neglecto domestico Ordinario Ministro, eos mulcta 12 fl. pro aedificio templi castigent, et Ecclesiasticis poenas cogant parere. Qui vero posthabito suo ordinario Ministro baptismatis, Eucharistiae, Copulae, Introductionis, exequiarum et similium gratia ad alium Fratrum excurreret, irremissibiliter tanquam contemptor suae Ecclesiae et Ministri in flor. 12 mulctator, pro aedificio templi. Consveverunt etiam nonnulli mortuorum suorum corpora in locis privatis absque scitu et praesentia sui Ministri, tanquam cadavera brutorum, contra Dei mandátum, amorem proximi, ac reverentiam debitam piis demortuis praestandam — sepelire; tales si deinceps ausi fuerint similiter agere, mulctantur pagus in flor. 12, ad restaurationem templi convertendis.8

0- Stipendium Ministris denegantes, vel maligne solventes, ad officium faciendum urgeant, et contumaces etiam mulcta cogant. Ecclesiae autem bona rapientes, si potestati Magistratus subjacent, in ordinem redigantur et ad restitutionem tripli, vel invitos cogant. 9°- Encoenia, quae multorum flagitiorum

; utpote ebrietatis, verberationum, homicidiorum et similium occasio sunt et fomes, tollere studeant. Eleemosynam fraudulenter in templorum aedificia ementiri non patiantur; ea enim plerumque in alios usus conferri consvevit. Quodsi alicubi nova eriguntur templa, aut restaurantur: parati sunt D. D. Fratres talibus etiam suas adjungere litteras, dum pii modo ac fideles ad huc eligantur, qui istam eleemosynam inpetrent et reversi coram Pastore loci et juratis rationem reddant. ÍO

0, Quia in Comitatu isto nullae prorsus sunt Scholae, ubi a teneris Juventus ad pietatem, ad honestatemque instrui ac informari possit: dignetur Magistratus Christianus, prout alibi fit, proventus aliquos Ecclesiae adjicere, templa ac Scholas erigere ac restaurare, ut reaedificatis templis scholisque Ministri singuli, secundum proventuum quantitatem, de honestis iuvenibus prospicere queant, qui et in templo, pro decore Ecclesiae chorum regere, laudes Deo decantare, ac pueros in litteris et pietate informare possint.