Stromp László szerk.: Magyar protestáns egyháztörténeti adattár. III. Budapest 1904.

3. Pathay István, Kanizsai Pálfi János, Alvinczi Péter, Csatári György, Samarjay János, Csene Péter és Pécselyi Király Imre ref. papok levelei 1620—1636. (Thúry Elemér)

futurae, ut gentilium poetaruin princeps argute quondam cecinit. Haec de domus tuae precis huc usque satis sunto. Ut tandem etiam de biennali tuo salario ab exercitu Papensi solvendo non nihil subiungam, tuis prioribus literis acceptis, tui gratia huc Papám ingressus, quanta diligentia et fidelitate hanc tuam causam coram primoribus exercitus egerim, testis Deus, testes ipsi, testis conscientia mea propria. Verum omnes communi voto negotium istud ad stipendii sui introductionis tempus iniecerunt. Supremus capitaneus, qui in hac causa multum tibi opitulari potuisset, statione deiectus, et alius, qui nostri simpliciter nullo favore ducitur, substitutus est. Accessit his, monstro similis hominum animorum erga te mutatio, ita, ut salarii tui, vel mentionem audire vix sustineant, ideoque nemo est qui eius vel saltem meminisse ausit. Moniti regerunt: Dominum et Herum servo fugitivo, nihil plane de iure debere. Ad nos inquiunt, veniat, et ratione inita, nos debiti convincat, convicti solvere non contergiversabimur; secus ne terunciolum quidem a nobis unquam accepturus etc. etc. Ego cum in re tarn seria et necessaria gratificari tibi, mi Pater nequierim, quomodo deinceps officia mea, in aliquo negotio usui futura, commendare debeam, non video. Sumus enim tarn longe a nobis invicem disterminati, ut non secus, nisi precibus nos mutuo iuvare possimus. Affectum illum vere filialem, quem Deus iam inde ab initio, erga te pectori meo inservit, ad bustum usque fideliter retinebo, te fideliter colam, et felicem memóriám tuam jugem S. sanctam habeo, tui in orationibus meis recordabor, et si quando tuto fieri poterit, certis grammatophoris se mihi efferentibus, te literis meis visitare, salutare et recreare non negligam, etc. Famíliám tuam, mihi iure perpetuo observabilem,osculo sanctosaluto,et vitaeutriusque felicitatis apprecatione impertior, cum qua te princeps pastorum Dominus Jesus in florida et vegeta senecta, in ecclesiarum suarum emolumentum felicissime et diutissime conservet. Amen. Datae Gizingae. Anno 1631. Tuus in Domino Frater Conservus, filiali afFectu colens, Joannes Paulides Canisaeus} 1 Kanizsainak ezen egyháztörténeti adatokkal teljes leveléből Tóth Ferencz: Túl a dunai református püspökök élete. Győr, 1808. czímíí műve 65—68. lapján, bő szemelvényt közölt, de igen sok értékes részt kihagyott abból, a második felét pedig teljesen mellőzte. Azért fel kellett azt itt egészen vennem, mert ezt az összefüggés is így követeli. T. E.