Stromp László szerk.: Magyar protestáns egyháztörténeti adattár. III. Budapest 1904.

3. Pathay István, Kanizsai Pálfi János, Alvinczi Péter, Csatári György, Samarjay János, Csene Péter és Pécselyi Király Imre ref. papok levelei 1620—1636. (Thúry Elemér)

mea certioratus, me certum reddere non graveris. Nescio non queo in cardine volvatur affectae viduae conditio, nescio, num vivát, et quomodo in tanta rerum difficultate et penuria se se sustentet: nihil ad me literarum nihil nuntii transmittit. Dolori mihi per se satis afflicto est, quod tam procul a nobis misera vivere cogatur. Si Deus vitám et valetudinem conservaverit, et statum regni tot bellis attriti magis magisque tranquillaverit, transitum ad vestras partes adornaro satagam. De Clarissimo et Reverendissimo Domino Pathay nihil audire possimus, ipsum uti patrem honorandum, ex me salutatum voío, et rogo, ut si quidem consilii et solatii, suppeditare possit, per occupationes ipsi meae matri, sua reverenda paternitas, in id incumbere non dedignetur: Ego filiali promptitudine gratiam istam redhostire laborabo. Reverendum dominum Isacum monendum habeo, ut tanti sui silentii íinem faciat, ac tandem et ad nos aliquid scribere non dedignetur, nec gravetur. Dominum Joannem Redneki saluto, et peto, ne succenseat, quod aliquid pecuniolae debeam ipsi; noverit nos exhaustos et attenuatos esse tot tribulationibus, quibus iam diu cincti vivimus luctuosissime. Ceterum, si humanissimus et dominus vir, Stephanus Váczi, valedixit scholae gubernaculo, commendamus iuvenem eruditione et virtute praestantissimum dominum Stephanum Saary, qui nunc apud nos hic commoratur. Fac igitur, vir optime, ut iste surrogetur et promoveatur. Relationem exspectabimus, plura scribere non vacat. Vale feliciter, o amicitiae nostrae decus immortale una cum tuis dilectissimis. Raptim ex Újvár. 25. februarii, anno Domini 1622. Reverentiae Tuae Charitati vera, mera, sincera charitate sinceriter addictissimus Emericus Regius Reezéíi, pastor ecclesiae Comaromiensis. P. S. Saluto collegam tuum Reverendum dominum Petrum, et Dominum Váczi, ceterosque nostri studiosos, ofticiosissime. Kívül: Admodum Reverendo Clarissimo et Eruditissimo Viro, Domino Joanni Paulidi Canisaeo, pastori ecclesiae Papensis vigilantissimo, nec non eiusdem districtus ministrorum inspectori fidelissimo etc. Domino conservo et amico plurimum honorando et perpetuo colendissimo.