Stromp László szerk.: Magyar protestáns egyháztörténeti adattár. III. Budapest 1904.

3. Pathay István, Kanizsai Pálfi János, Alvinczi Péter, Csatári György, Samarjay János, Csene Péter és Pécselyi Király Imre ref. papok levelei 1620—1636. (Thúry Elemér)

conficiebat, solennitatibus nativitatis Domini elapsis, Vaczinum se contulit, alium invenire non possum. Ex abysso tartari, tartari, gens inhumanissima, crudelissimaque exiens, sunt hic in comitatu Trincienensi, magno nobilium et rusticorum damno et incommodo; quid cum illis agat, quove illos ducat princeps, ipse viderit, nos nescimus; metuendum aiunt ne plures subsecuturi sint. Reverendus dominus Daniel Nemesnépi, omnibus fere facultatibus a tartaris spoliatus, ingemiscit. Quotidie hic querulantes miseroshominesaudimus, quorum bona immanium diripiuntur. Deus, misericordiarum páter, misereatur regni nostri, et adiuvet corda principum virorum, ut tandem respirare possimus. Ego cum meis valeo, tu eures tuam quoque valetudinem, quam si audiero, erit mihi gratum. Dominus Jacobus rediit die Innocentium aegrotus, unde ab eodem die decumbit graviter. Spargebat quaedam de pace, sed adventus tartarorum et eorum hominum obrodam festinatio, nonnihil nos subdubitare fecit. Ast Deus, etiamsi omnium corda titubaverint, nobis ipse restituet rem. Nostrum est, precibus continuis Deum exorare, sit Clemens erga populum suum Calcographus vester est apud nos, redire ad vos voluit, ego detinui hac spe, ut exspectaret adhuc aliquot dies, certe multum tristis et anxius hic vivit. interdum sublevamus eum consolatione providentiae divinae ; ille acquiescit nostro consilio, et consolationem aequo acceprat animo. Si tibi vel collega essem, vel in vicinio manerem fors in illo negotio adiumento esse possem, cuius nuper vel a longe memineras, cum praesertim habeam auctores minimé contemnendos de hac re. Ego cuiquam de ea re loquar, tu perge : ast si hos etiam auctores inspicere posses, non esset de nihilo, ut Onuphrium Panvinium, et Citavellam, quos habet dominus Darnai. Si tamen tantum nobis praebuerit Deus iter, ipse uberius tandem tecum ad os. Vale, mi affinis dilecte, Deus te ecclesiae tuae conservet diutius incolumem, benedicat laboribus tuis, tueatur te ad ecclesiae utilitatem. Amen. Scripsi Ersek-Ujvarini 5. die Januarii Anno Domini 1622. quem Deus tibi, ecclesiae tuae, et omnibus íidelibus prosperum et felicem reddat, oro. Saluta dominum nobilem Blasium Felső, Joannem Pesti, et reliquos etiam mihi notos. Saluto rectorem tuum ofíiciose. Tuus totus Petrus Czene Szencinus. Kívül: Clarissimo Viro, Domino Joanni Paulidi Canisaeo, eximio Jesu Christi ministro in ecclesia Papensi Domino et affini mihi plurimum honorando.