Stromp László szerk.: Magyar protestáns egyháztörténeti adattár. III. Budapest 1904.
5. Cultustörténeti adatok. (Thúry Etele)
laetissimam principis pastorum vocem hanc: euge sérve bone et exaudire quas dignare Deus hanc promissionem tuam veraciter adimplere electum hunc tuum speculatorem in ecclesia multiplici spiritus sancti, gratia illuminare, dotare, ac vita beata donare Amen. Pater noster etc. Gratia tibi, pax et misericordia a Deo patre et dominó Jesu Christo. Amen. XI. Oratio ad Jesum Christum, in actorum synodi inchoatione dicenda. Domine Jesu Christe ! unigenite patris aeterni filii splendor gloriae eiusdem substantiae figura, de quo pater coelitus, tale perhibuit testimonium : Hic est filius meus dilectus, in quo mihi bene complacuit, ipsum audite, qui discipulos tuos coelesti virtute indutos ad muneris sui executionem aptos ac idoneos effecisti, qui te eorum qui in nomine tuo congregantur in medio affuturum sancte promisisti. Item nos indigni tui servuli, qui a filiis huius seculi prae consultis catarmatis et purgamentis habemur, in nomine tuo sancto sumus in hac exigua synodo congregati. Dignere quaesumus summe animarum nostrarum episcope nostrae huic synodo per efficacem spiritus tui sancti in cordibus nostris operationem non tantum interessé verum etiam praeesse et praesidere mentes nostras spiritus tui gratia illustrare ; corda et lingvas dirigere, ut coram tremendo maiestatis tuae vultu sacro in hoc confessu, cum timore filiali sedentes ea proferamus, cogitemus, loquamur et tractemus quae sunt pia, iusta, sancta et salutaria. Effice Domine, ut virtus tua nostram per infirmitatem perficiatur. Largire huic nostrae synodo exoptatissimam catastropham, ut te unicum nostrum salvatorem et intercessorem, cum patre et s(piritu) sancto in aeternum celebrare queamus. Qui vivis et regnas deus per omnia secula seculorum. Amen. XII. Gratiarum actio ad Jesum Christum, qua clauditur synodus. Unigenite Fili Dei 1 Domine Jesu Christe ! verbum ex ore patris ab aeterno prodiens vere deus et vere homo in unitate personae. Gratias tibi agimus, quantas ex operatione spiritus sancti, animis concipere possumus maximas pro omnibus tuis in nos collatis beneficiis, et etiam pro hoc excellenter singulari quod nostrae huic synodo nobisque famulis tuis in ea in nomine tuo congregatis, per spiritum tuum
