Stromp László szerk.: Magyar protestáns egyháztörténeti adattár. II. Budapest 1903.

1. Ág. hitv. ev. zsinatok a bécsi béke előtt. (Thury Elemér) - XII. Murányi és Kishonti czikkek, 1596

Ubi quoque tarn subito nihil decidi potest, sine loci eiusdem magistratus consensu, ad quem maxima ex parte negotium devolvitur. 33. Aduiteri, scortatores, desertores, periuri, sive infideles, teste apostolo ad Corinth. Qui viduas et virgines fallunt suis technis, et variis promissionibus, et alii scelerati in vicinioribus locis, non ferantur. Pulsos propter sua scelera, nemo vel in pagum, vel in hospitium suscipiat, nec publice dicat iis, ave, ne confirmetur impietas et levitas. Etiam pastores in ecclesiis tales non ferant. 34. Nemo ministrorum falcem in alterius messem mittat, baptisando, copulando, aut introducendo sponsas, vel puerperas. Sed si quid fieri oportet, fiat cum legitimi pastoris consensu, ne detur occasio et ministris iurgandi, et auditoribus pastores spernendi, tandemque ecclesiasticam disciplinam, et totum ordinem turbandi. Ebr. 13. Pacem sectamini cum omnibus. 35. Si pastor quempiam suis inconvenientibus moribus, aut quacunque ratione offenderit. id non alio, vel ad secularem et terrestrem dominum, sed ad superintendentem deferatur. Deinde terrestri magistratui significetur, ac per eum eliminetur. Si vero plebeius aliquis pastori iniurius fuerit, prius coram iudice suo accusetur in pago, ut pastori pro offensa satisfiat; sin minus, res ad superintendentem deferatur. 36. Domini terrestres, sive patroni, vel alii officiles, nullám vim babent in pastorem, quamdiu recte docet, opprimendi, vel iniuriam faciendi, et siquid habent contra pastorem aliquem querelae, non potentiae effrenantur in eundem, sed deferant negotium ad seniorem et consistorium fraternitatis. Secus facientes, suo modo coerceantur, pro illata iniuria fratri, tota fraternitas patrocinium suscipere debebit, ac pro membro suo omnes sese interpoliere adversus nobilem, quia delinquit in eum. Quia inquit: qui vos tangit, me tangit Zach. 2.