Stromp László szerk.: Magyar protestáns egyháztörténeti adattár. II. Budapest 1903.

1. Ág. hitv. ev. zsinatok a bécsi béke előtt. (Thury Elemér) - VI. Murányi czikkek, 1590 idejéből

confirmaret, similiter et nostrum quoque quisque eosdem propriae manus suae subscriptione firmos et ratos fecit. I. Minister Verbi Divini sit legitime sacris initiatus habeatque suae ordinationis testimonium. II. Nequis sua sponte se ad parochiam aliquam intrudat, nec a Turcico magistratu patrocinium vel patrocinatum petat, sed a christiana communitate vocationem expectet. III. Euangelium pure et sincere doceat, et sacramenta, sicuti ab ipso Christo instituta sunt administret. IV. Auditores publice admoneat, ut saepius ad sacram synasin accedant, nec ad extremum usque habitum differant. V. In peragendis sacris utatur vestibus ecclesiasticis. VI. In administratione sacramenti altaris porrigatur panis azymus, non communis, nec duplex. VII. Missa sine communicantibus non celebretur, nec in administratione sacramentorum alia, quam vulgari sclavonica utatur lingva, eaque clare et distincte, ut omnes audire intelligereque possint. VIII. Hostia neque supra caput elevetur. neque versa facie populo monstretur. Canon missae intermittatur. Item consecrationes aboleantur, quae hisce infra notatis festivitatibus fieri consveverunt, et sub specie recti, falso a sacerdotibus avaris, in ecclesia introductae sunt. Veluti in die D. Stephani, consecratio vini; in die Innocentium virgarum; in die purificationis Mariae, candelarum, cerearum, salis. Assumtionis Mariae, herbarum; quadragesima cinerum; in vigilia paschae