Stromp László szerk.: Magyar protestáns egyháztörténeti adattár. II. Budapest 1903.

2. Somogyi Péter naplója. 1557—1558. (Stromp László.) Kétrészben. Elmondja Oláh Miklós esztergomi érsek alatt Pozsonyban, Nagyszombatban, Znióváralján átszenvedett fogságát és vallatását és majd meg kiszabadulását .

Hortaturque sedulo ne uílis aut minis aut duris vinculis a proposito abterrear. Hinc pluribus dno Beniczky commendat, ne me ulla in calamitate negligat, sed pia in ignota remotaque regioné provideat, his dictis pius Mathias suas benignas porrigit expensas. Remota igitur mensa, hospiteque de singulis contento, una cum Mathia literato a Frestak solvimus iter, ille in equo precedens, nos vero curru subsequentes, arreptum iter ac vitiosum serio continuamur. Tendentibus igitur nobis per lata vineta, montes arduos, vallesque profundas, appropinquamus oppido antiquissimo, nomine Thaporzan

1 ubi dnus Benetzky inter caetera multa mirabilia narrat de excursione tartarorum contra nostrates eorumque lato imperio, item de oppidi profundissimo latissimoque ambitu, unde adhunc extant in perpetuam memóriám vetissima monumenta illarum gentium. Decimum quarlum capitulum. Ingressi igitur oppidum sub silentio noctis, divertimus ad quoddam mihi ignotum diversorium, ubi rursus (sic deo op: max: permittente) reperimus virum literatum, germanum genere, pium ac urbanum, qui forte missus in legatione a montanis Viennam versus equitabat, qui allato dulci potu amice propinat. Hinc diligenter vinculorum inquirit rationem, quam noster Mathias sermone latino paucis indicat, germanus vero cognita causa plurimum ingemescit de tanta satanae tyrannide, hortaturque sedulo ne a proposito diuturnae captivitatis recedam, hinc plurimis in mediam adductis testimoniis sacris pie ac benigne exhortatur ad perseverandum usque finem. Apparata itaque coena, singuli ordine mensae accumbimus, ubi nostram cenam multis piis colloquiis inter cenandum condimus, colloquentes de Regno Christi ac Religionis statu, subinde nos mutuo nostri officii admonentes exhortantesque. Facta igitur caena pergit germanus diligenter articulos de Religione christiana conscribere, quos inter scribendum subinde admiratur, dmmque Beneczky bohemice sedulo orat pro mea sustentatione, cui unice commendat, ne ullo modo ab eo negligar in ignota remotaque regioné. Hinc substrato Stramine quieti consulimus. Surgentibus itaque nobis nocte tempestiva, cum adhuc lunae Candida cornua prodirent, undique in firmamento coeli, singuli itineri accingimur. Ger1 Nagy-Tapolcsány.