Stromp László szerk.: Magyar protestáns egyháztörténeti adattár. II. Budapest 1903.

1. Ág. hitv. ev. zsinatok a bécsi béke előtt. (Thury Elemér) - XVI. A felsőtrencséni ev. egyházmegyének az 1600. évi január 12-diki bittsei zsinaton kihirdetett törvényei

XI. De rectoribus scholarum. 1. Ut rector pius ac eruditus scholae praeficiatur, minister apud ecclesiam et praecipue apud magistratum ac reliquos patronos instato. Et sic communi suffragio et consensu, ludi literarii moderátor vocator. 2. Pastor scholae, studiorum in ea, ac morum tam discentium, quam docentium vigilans inspector esto. 3. Rector in officio demandato sibi fidelis ac diligens esto. Examen iuventutis, singulis anni trimestribus aut semestribus instituito. 4. Consortia pravorum, et ingressus aedium infamium, vel alioqui suspectarum et cauponarum, tabernarumque publicarum domos vitató. Et collegas ac discipulos ut idem faciant vel invitos pertrahito. Secusfacientes, ne morbida facta pecus totum corrumpat ovile, eiicito. 5. Pietate, morum probitate, qualis est modestia, temperantia, sobrietas, castitas, tum discipulis, tum aliis praeluceto. 6. Pastorem ecclesiae debito honore praevenito, eique obedito, eius ac universae domus parochialis calumniator et obtrectator (una cum iuge, si cui est) ne esto: nihil contra eum clam conspirato, neque conspirationes assensu, vel aliquo scripto promoveto, quin potius siquidem tale suboluerit, domini pastori detegito, qui si opus fuerit, magistratum non celato. Currentem inviolatum, et integrum per discipulos celerrime perferri curato. 7. Patronos et parochianos venerator.