Stromp László szerk.: Magyar protestáns egyháztörténeti adattár. I. Budapest 1902.

9. Kocsi Csergő Bálint „Narratio brevis de oppressa libertate Hungaricarum ecclesiarum" cz. müvének X—XI—XII.fejezete. (Balogh Elemér.)

Reverendis Clarissimis, Doctissimisque Viris Dnis. Fratribus in Christo plurimum observandis, Verbi Div. Pastoribus fidelissimis, antehac in Triremibus Neapolitanis captivis, nunc v. feliciter per Dei gratiam iiberatis, gratiam et pacem a Deo Patre et Dno. nro Jesu Christo. Rev. Clariss. et Doctiss. Viri Dn. ac Fratres in Christo plurimum observandi. Ut dirissimus de crudeli captivitate vestra nuncius, qui ante aliquot menses aures nostras percullit, quemque suavissimae vestrae literae non ita pridem ad nos datae, gravissimae istius calamitatis Interpretes confirmarunt, maximo nos, universamque Ecclesiam nostram totam dolore affecerat: Ita dici non potest quanto nos perfuderint gaudio gratissimae, quae hesterna die huc a celebri Doctore Zaffio advolarunt literae, liberationem Dei Opt. Max. beneíicio vobis concessam, opera fortissimi et piissimi Archithalassarchi Reuteri nuntiantes. Benedictum sit in aeternum Domini nomen, qui suspiria vestra calidissima precesque nostras in vestri gratiam indesinenter ad Deum fusas coelitus exaudivit, et durissima quibus constricti eratis vincula solvi jussit. Sic experti estis, Fratres in Christo conjunctissimi, quam fidelis sit in promissis suis clementissimus Pater, qui non patitur unquam suos tentari supra vires istorum. sed cum tentatione dat etiam exitum, ut possint eam ferre. Eadem manu, qua content, sanat. et si laxat nonnunquam habenas furori impiorum ad nos vexandos, non permittit tarnen virgam improbitatis quiescere super sortem justorum. Vult quidem íidem vestram auro pretiosiorem in gravissimo aftiictionum Camino saepe explorari, sed non vult tarnen eam consumi, imo vero in medio irae miserationum suarum seniper recordatur. Hujus gratiae acceptum fertis procul dubio levamen, quo in aerumnis vestris fuistis sublevati, ita veritatem oraculi Apostoliéi proprio experimento didicistis: In omnibus affligimur, at non coarctamur, haesitamus at non prorsus haeremus, persecutionem patimur, sed in ea non deserimur, dejicimur at non perimus. 0 vos beatos, quibus dátum est a Domino non tantum eredére in ipsum, sed et pati pro ipso! 0 vos felices, quos eo honore dignatus est, divinus Redemptor, ut Stigmata ejus feratis in corpore vestro, et pro nomine ejus persecutionem pateremini! nec ut pateremini tantum, sed et victores tandem in ipso triumpharetis, et laudes Sospitatori vestro cánere possitis. Pergite Fratres in Christo conjunctissimi, in terrestri hoc cuniculo decurrendo, respicientes ad Ducem et Consumatorem fidei vestrae Jesum, qui pro proposito sibi gaudio sustinuit crucem, et spreto opprobrio consedit ad